തിരുവനന്തപുരം: സംസ്ഥാനത്തെ അതിവേഗ റെയിൽ പദ്ധതിയുമായി ബന്ധപ്പെട്ട വിദഗ്ധ സമിതിയുടെ റിപ്പോർട്ട് ഇന്ന് സർക്കാരിന് സമർപ്പിക്കും. മുൻ മെട്രോ മാൻ ഇ. ശ്രീധരൻ തയ്യാറാക്കിയ റിപ്പോർട്ടിലെ പ്രധാന നിർദേശങ്ങൾ നിലനിർത്തിക്കൊണ്ട് ചില ഭേദഗതികളോടെ പദ്ധതി മുന്നോട്ടുകൊണ്ടുപോകാമെന്നാണ് സമിതിയുടെ ശുപാർശ.
റെയിൽ പാതയുടെ അലൈൻമെന്റും പദ്ധതിക്കാവശ്യമായ ധനസമാഹരണ രീതിയും സർക്കാർ തീരുമാനിക്കേണ്ട വിഷയങ്ങളാണെന്ന് റിപ്പോർട്ടിൽ വ്യക്തമാക്കുന്നു. അതേസമയം, നിർദിഷ്ട റെയിൽ പാത വിഴിഞ്ഞം തുറമുഖം വരെ നീട്ടുന്നതും പരിഗണിക്കണമെന്ന് വിദഗ്ധ സമിതി നിർദേശിച്ചിട്ടുണ്ട്.
തിരുവനന്തപുരം, കൊച്ചി, കോഴിക്കോട് എന്നിവിടങ്ങളിലെ മെട്രോ സ്റ്റേഷനുകളുമായി അതിവേഗ റെയിൽ ശൃംഖല ബന്ധിപ്പിക്കണമെന്നും റിപ്പോർട്ടിൽ ശുപാർശ ചെയ്യുന്നു. ഇതനുസരിച്ച് സ്റ്റേഷനുകളുടെ സ്ഥാനക്രമത്തിലും ആവശ്യമായ മാറ്റങ്ങൾ വരുത്തേണ്ടിവരുമെന്നും സമിതി ചൂണ്ടിക്കാട്ടുന്നു.
കെ-റെയിൽ പദ്ധതിക്കെതിരെ ഉണ്ടായതുപോലുള്ള വ്യാപക ജനവിരുദ്ധ സാഹചര്യം ഈ പദ്ധതിയിൽ ഉണ്ടാകാനുള്ള സാധ്യത കുറവാണെന്നാണ് സമിതിയുടെ വിലയിരുത്തൽ. അതേസമയം, പദ്ധതിക്കായി ക്രൗഡ് ഫണ്ടിംഗ് മാതൃക പ്രായോഗികമല്ലെന്നും റിപ്പോർട്ടിൽ പറയുന്നു.
ഇ. ശ്രീധരന്റെ റിപ്പോർട്ടിൽ നിർദേശിച്ച 60,000 കോടി രൂപ ചെലവിൽ പദ്ധതി പൂർത്തിയാക്കുക പ്രായോഗികമല്ലെന്നും നിലവിലെ സാഹചര്യത്തിൽ ചെലവ് കൂടുതലാകാനിടയുണ്ടെന്നും വിദഗ്ധ സമിതി അഭിപ്രായപ്പെടുന്നു.
കേരളത്തിലെ അതിവേഗ റെയിൽ പദ്ധതി നടപ്പാക്കാൻ താൽപര്യമുണ്ടെന്ന് അറിയിച്ച് ഡൽഹി മെട്രോ റെയിൽ കോർപ്പറേഷൻ (DMRC) സംസ്ഥാന സർക്കാരിനെ സമീപിച്ചിരുന്നു. കൊച്ചി മെട്രോ പദ്ധതിയുടെ മാതൃകയിൽ രൂപകൽപ്പനയും നിർമാണവും സമയബന്ധിതമായി പൂർത്തിയാക്കാൻ കഴിയുമെന്നാണ് ഡി.എം.ആർ.സി അറിയിച്ചിരുന്നത്.
ഇ. ശ്രീധരൻ സമർപ്പിച്ച റിപ്പോർട്ടിൽ പദ്ധതിയുടെ നിർമാണ ചെലവ് 60,000 കോടി രൂപയെന്നാണ് കണക്കാക്കിയിരുന്നത്. പ്രതിദിനം ഏകദേശം 2.28 ലക്ഷം യാത്രക്കാരെ ഉൾക്കൊള്ളാൻ കഴിയുന്ന ശേഷിയുള്ള റെയിൽ സംവിധാനമാണ് വിഭാവനം ചെയ്തിരുന്നത്. പൂർണമായും ഉയർത്തിപ്പണിയുന്ന പാതയായതിനാൽ ഭൂമി ഏറ്റെടുക്കൽ സംബന്ധിച്ച എതിർപ്പുകൾ കുറയുമെന്നും റോഡ് അപകടങ്ങൾ ഗണ്യമായി കുറയ്ക്കാൻ പദ്ധതിക്ക് സഹായകരമാകുമെന്നും റിപ്പോർട്ടിൽ വിലയിരുത്തിയിരുന്നു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260715050721.jpg)
1-20260715032708.jpg)
1-20260715031100.jpg)
