തിരുവനന്തപുരത്തെ വഞ്ചിയൂർ വാർഡിൽ 250-ൽ അധികം കള്ളവോട്ടുകൾ സി.പി.എം. രേഖപ്പെടുത്തി എന്ന ബി.ജെ.പി.യുടെ ഗുരുതര ആരോപണങ്ങൾ തള്ളി എൽ.ഡി.എഫ്. സ്ഥാനാർഥി വഞ്ചിയൂർ ബാബു രംഗത്തെത്തി. തിരഞ്ഞെടുപ്പിലെ പരാജയഭീതി കാരണമാണ് ബി.ജെ.പി. ഇത്തരം അടിസ്ഥാനരഹിതമായ ആരോപണങ്ങൾ ഉന്നയിക്കുന്നതെന്നും അദ്ദേഹം പറഞ്ഞു.

വഞ്ചിയൂരിൽ ട്രാൻസ്ജെൻഡേഴ്‌സ് വിഭാഗത്തിൽപ്പെട്ടവർ കള്ളവോട്ട് ചെയ്തുവെന്ന ബിജെപി ആരോപണം പൂർണ്ണമായും തെറ്റാണെന്ന് ബാബു വ്യക്തമാക്കി. വഞ്ചിയൂർ ട്രാൻസ്ജെൻഡേഴ്‌സ് ഒന്നിച്ച് താമസിക്കുന്ന ഒരു പ്രദേശമാണ്. എൽ.ഡി.എഫ്. അവർക്ക് പിന്തുണ നൽകിയതുകൊണ്ടാണ് അവർ എൽ.ഡി.എഫിനൊപ്പം നിലകൊണ്ടത്. വോട്ടർപട്ടികയിലുള്ള വോട്ടുകളാണ് അവർ രേഖപ്പെടുത്തുന്നത്. എല്ലാ വോട്ടർമാരെയും ഓൺലൈൻ വഴിയാണ് പട്ടികയിൽ ചേർത്തതെന്നും അദ്ദേഹം ചൂണ്ടിക്കാട്ടി.

കൂടാതെ, വോട്ട് രേഖപ്പെടുത്താനെത്തിയ ട്രാൻസ്ജെൻഡേഴ്‌സിനെ ബിജെപി പ്രവർത്തകർ കൂവുകയും അസഭ്യം പറയുകയും ചെയ്തതായി വഞ്ചിയൂർ ബാബു ആരോപിച്ചു. ട്രാൻസ്ജെൻഡർമാരും മനുഷ്യരാണ്, അവർ തങ്ങളുടെ പ്രവർത്തകരാണ്. ആരും ബി.ജെ.പി. പ്രവർത്തകരെ ആക്രമിച്ചിട്ടില്ലെന്നും അദ്ദേഹം പറഞ്ഞു. ബി.ജെ.പി.യുടെ പരാജയഭീതിയാണ് ഈ ആരോപണങ്ങൾക്കെല്ലാം പിന്നിൽ.

വഞ്ചിയൂർ ബൂത്ത് രണ്ടിൽ റീപോളിംഗ് നടത്തണമെന്നും, എൽഡിഎഫ് സ്ഥാനാർത്ഥിയുടെ സഹായിയുടെ മകൾ രണ്ടിടത്ത് വോട്ട് ചെയ്‌തുവെന്നുമുള്ള ബിജെപി ജില്ലാ നേതാവ് കരമന ജയന്റെ ആരോപണങ്ങളെയും വഞ്ചിയൂർ ബാബു തള്ളിക്കളഞ്ഞു.

English Summary: LDF candidate Vanchiyoor Babu rejected the BJPs allegation that CPIM cast over 250 fake votes in Vanchiyoor He countered that the BJP is spreading these baseless allegations due to fear of defeat and accused BJP workers of booing and harassing transgender voters who came to cast their legitimate votes Babu asserted that all votes were recorded as per the official voters list

Tags: CPIM, BJP, Vanchiyoor, Fake Vote, LDF Candidate, Transgender Voters, Kerala Election, Local Body Polls, കള്ളവോട്ട്, ബിജെപി, സി പി എം, വഞ്ചിയൂർ ബാബു

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്