തിരുവനന്തപുരം: സിഎംആര്എല്-എക്സാലോജിക് സാമ്പത്തിക ഇടപാട് കേസില് വീണ ടിയ്ക്ക് എന്ഫോഴ്സ്മെന്റ് ഡയറക്ടറേറ്റിന്റെ നോട്ടീസ്.കൊച്ചി ഓഫീസിലാണ് ചോദ്യം ചെയ്യലിനായി എത്തേണ്ടത്. വെള്ളിയാഴ്ച രാവിലെ പത്തരയ്ക്ക് ചോദ്യം ചെയ്യലിന് ഹാജരാകണം.
വീണയ്ക്കെതിരെ വ്യക്തമായ തെളിവുണ്ടെന്ന് ഇ ഡി വ്യക്തമാക്കി. വീണയുടെ വിദേശ അക്കൗണ്ട് കേന്ദ്രീകരിച്ച് ഉള്പ്പടെ അന്വേഷണം നടത്താനാണ് തീരുമാനം. ബാങ്ക് രേഖകളും ആദായ നികുതി രേഖകളും ഉള്പ്പടെ വീണ ഹാജരാക്കുകയും സ്വത്ത് വിവരങ്ങള് വ്യക്തമാക്കുകയും വേണം. സിഎംആര്എല് ഇടപാട് സംബന്ധിച്ചുള്ള രേഖകളിലും വിശദീകരണം നല്കേണ്ടി വരും.
കഴിഞ്ഞ ദിവസം ഇ ഡി ഡയറക്ടറായ രാഹുല് നവീന്റെ നേതൃത്വത്തില് കൊച്ചിയില് യോഗം ചേര്ന്നിരുന്നു. വീണയ്ക്കെതിരെ അടക്കം കേസില് ശേഖരിച്ച വിവരങ്ങള് യോഗത്തില് വിലയിരുത്തുകയും ചെയ്തിരുന്നു. ഇതിന് പിന്നാലെ തുടര്നടപടികള് വേഗത്തിലാക്കണമെന്നും ഡയറക്ടര് നിര്ദേശിച്ചിരുന്നു.
കേസില് ഇ ഡി അന്വേഷണം തടയണമെന്ന് ആവശ്യപ്പെട്ട് സിഎംആര്എല് നല്കിയ അപ്പീല് കഴിഞ്ഞ ദിവസം ഹൈക്കോടതി ഡിവിഷന് ബെഞ്ച് തള്ളിയിരുന്നു. ഇതിന് പിന്നാലെയാണ് ഇ ഡി അന്വേഷണം വേഗത്തിലാക്കിയിരിക്കുന്നത്.
അതേസമയം, വീണ അടക്കം ഒമ്പത് പേര്ക്കാണ് ഇ ഡി സമന്സ് അയച്ചിരിക്കുന്നത്.ശശിധരന് കര്ത്തയുടെ ഭാര്യയ്ക്കും മകന് ശരണ് എസ് കര്ത്തയ്ക്കും സിഎംആര്എല് ഉദ്യോഗസ്ഥര്ക്കും സമന്സ് അയച്ചിട്ടുണ്ട്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
1-20260322042905.jpg)
1-20260609053031.jpg)
1-20260609051721.jpg)
-20250605095847.jfif)
