സി. ജെ. റോയിയുടെ ആത്മഹത്യ; സമ്മർദ്ദം ചെലുത്തിയിട്ടില്ലെന്നും എല്ലാ കാര്യങ്ങളും ചെയ്തത് നിയമപരമായെന്നും ആദായ നികുതി വകുപ്പ് വൃത്തങ്ങൾ

JANUARY 31, 2026, 1:11 AM

കൊച്ചി: അന്തരിച്ച കോൺഫിഡന്റ് ഗ്രൂപ്പ് ഉടമ സി. ജെ. റോയിയെ ആദായ നികുതി വകുപ്പ് മാനസികമായി ബുദ്ധിമുട്ടിച്ചിട്ടില്ലെന്ന് വ്യക്തമാക്കി ആദായ നികുതി വകുപ്പ് വൃത്തങ്ങൾ. റെയ്ഡിനിടെ എല്ലാ നടപടികളും നിയമപരമായി നടന്നു എന്ന് വകുപ്പ് വൃത്തങ്ങൾ വ്യക്തമാക്കി. പോലീസുമായി സഹകരിക്കുന്നതും റോയിയെ സമ്മർദപ്പെടുത്താതെയാണ് നടപടികൾ നടന്നതെന്നും വ്യക്തമാക്കിയിട്ടുണ്ട്.

അതേസമയം കുടുംബം അഭിപ്രായപ്പെടുന്നത് പോലെ മാനസിക സമ്മർദവും ബുദ്ധിമുട്ടും ഉണ്ടായിരുന്നില്ലെന്നും ആദായ നികുതി വകുപ്പ് വൃത്തങ്ങൾ വ്യക്തമാക്കി. എന്നാൽ ഐടി വകുപ്പ് ഇതുവരെ ഔദ്യോഗിക വിശദീകരണം പുറത്തിറക്കിയിട്ടില്ല.

കഴിഞ്ഞ ദിവസമാണ് കോൺഫിഡന്റ് ഗ്രൂപ്പ് ഓഫീസിലും റോയിയുടെ വാസസ്ഥലങ്ങളിലും നടന്ന പരിശോധനയുടെ പശ്ചാത്തലത്തിലാണ് ബെംഗളൂരുവിലെ ലാംഫോർഡ് റോഡ് ഓഫീസിൽ റെയ്ഡിനിടെ അദ്ദേഹം ആത്മഹത്യ ചെയ്തത്. ഉടൻ തന്നെ എച്ച്.എസ്.ആർ ലേഔട്ടിലെ നാരായണ ഹോസ്പിറ്റലിൽ എത്തിച്ചെങ്കിലും ജീവൻ രക്ഷിക്കാനായില്ല.