പാലാ- തൊടുപുഴ റോഡിൽ സ്കൂട്ടറുകളിൽ കാറിടിച്ച് അപകടം; രണ്ട് പെൺകുട്ടികൾക്ക് ദാരുണാന്ത്യം

AUGUST 5, 2025, 1:56 AM

കോട്ടയം: പാലാ- തൊടുപുഴ റോഡിൽ പ്രവിത്താനത്ത് സ്കൂട്ടറുകളിൽ കാറിടിച്ച് രണ്ട് പെൺകുട്ടികൾക്ക് ദാരുണാന്ത്യം. മേലുകാവ് സ്വദേശി ധന്യ സന്തോഷ്‌ (38), അന്തിനാട് സ്വദേശി ജോമോൾ ബെന്നി (35) എന്നിവരാണ് മരിച്ചത്. മുണ്ടാങ്കൽ പള്ളിക്ക് സമീപത്താണ് അപകടമുണ്ടായത്.

അമിത വേഗതയിലെത്തിയ കാർ രണ്ട് സ്കൂട്ടറുകളെ ഇടിച്ച് തെറിപ്പിക്കുകായിരുന്നുവെന്നാണ് പുറത്തു വരുന്ന വിവരം. സ്കൂട്ടർ യാത്രക്കാർക്ക് ആണ് പരിക്കേറ്റത്. ഒരു സ്കൂട്ടറിൽ ഉണ്ടായിരുന്നത് മേലുകാവ് സ്വദേശി ധന്യ സന്തോഷും രണ്ടാമത്തെ സ്കൂട്ടറിൽ ഉണ്ടായിരുന്നത് അന്തിനാട് സ്വദേശിയായ ജോമോൾ ബെന്നിയും മകൾ അന്നമോളുമായിരുന്നു.

അതേസമയം പരിക്കേറ്റ അന്നമോൾ ചികിത്സയിലാണ് എന്നാണ് ലഭിക്കുന്ന വിവരം. പാലാ സെന്റ്. തോമസ് ടിടിഇ കോളേജിലെ വിദ്യാർത്ഥികളാണ് കാറിൽ ഉണ്ടായിരുന്നത്. മൃതദേഹങ്ങൾ പാലാ താലൂക്ക് ആശുപത്രിയിൽ സൂക്ഷിച്ചിരിക്കുകയാണ്.