ദില്ലി: സിജെപി വക്താവ് സൗരവ് ദാസിനോട് ദില്ലിയിലെ താമസം തെളിയിക്കുന്ന രേഖകൾ ഹാജരാക്കാൻ സ്പെഷ്യൽ എക്സിക്യൂട്ടീവ് മജിസ്ട്രേറ്റ് നിർദ്ദേശം നൽകി. സമാധാന ബോണ്ട് നടപടികളുടെ ഭാഗമായാണ് ഈ നിർദ്ദേശം.
വിഷയം കൂടുതൽ പരിശോധിക്കുന്നതിനായി കേസ് പരിഗണിക്കുന്നത് അടുത്തമാസം 17-ലേക്ക് മാറ്റി. വോട്ടർപട്ടിക പരിഷ്കരണത്തിൽ ക്രമക്കേടുകൾ ആരോപിച്ച് ചീഫ് ഇലക്ഷൻ കമ്മീഷണറുടെ രാജി ആവശ്യപ്പെട്ട് കോക്ക്റോച്ച് ജനതാ പാർട്ടി പ്രവർത്തകരും മാധ്യമപ്രവർത്തകനായ സൗരവ് ദാസും ജന്തർ മന്തറിൽ പ്രതിഷേധത്തിന് ആഹ്വാനം ചെയ്തിരുന്നു.
നിലവിലെ താമസം വ്യക്തമാക്കുന്ന വാടകച്ചീട്ടോ മറ്റ് ഔദ്യോഗിക രേഖകളോ ഉടൻ സമർപ്പിക്കാനാണ് ആവശ്യപ്പെട്ടിരിക്കുന്നത്. ആവശ്യപ്പെട്ട രേഖകൾ എത്രയും വേഗം അധികൃതർക്ക് മുന്നിൽ സമർപ്പിക്കാമെന്ന് സൗരവ് ദാസ് അറിയിച്ചിട്ടുണ്ട്.
ജാമ്യ നടപടികളുടെയും സമൻസ് നടപടികളുടെയും ഭാഗമായി സമർപ്പിച്ച രേഖകളിൽ ദില്ലിയിലെ നിലവിലെ മേൽവിലാസം തെളിയിക്കുന്ന വാടകച്ചീട്ടോ മറ്റ് ലീസ് രേഖകളോ പൂർണ്ണമല്ലെന്ന് മജിസ്ട്രേറ്റ് ചൂണ്ടിക്കാട്ടി. തുടർന്ന്, ദില്ലിയിലെ താമസം തെളിയിക്കുന്ന കൃത്യമായ രേഖകൾ ഹാജരാക്കാൻ സൗരവ് ദാസിന് നിർദ്ദേശം നൽകുകയും കേസ് അടുത്ത മാസം 17-ലേക്ക് മാറ്റുകയുമായിരുന്നു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
1-20261024052924.jpg)
-20261023092239.jpg)
