ന്യൂഡല്ഹി: തലസ്ഥാന നഗരിയെ നടുക്കിയ ഡല്ഹി സത്യനികേതന് പി.ജി കെട്ടിട ദുരന്തത്തിന് പിന്നാലെ രാജ്യത്തെ വിദ്യാര്ഥികളുടെയും താമസക്കാരുടെയും സുരക്ഷ മുന്നിര്ത്തി സുപ്രീം കോടതിയുടെ അടിയന്തര ഇടപെടല്. ഡല്ഹിയിലെ ദാരുണമായ അപകടത്തില് ഏഴ് പേര് കൊല്ലപ്പെട്ട സംഭവം ഗൗരവത്തോടെ കാണുന്ന പരമോന്നത കോടതി, രാജ്യത്തുടനീളം പ്രവര്ത്തിക്കുന്ന എല്ലാ പി.ജി, ഹോസ്റ്റല് കെട്ടിടങ്ങളുടെയും സുരക്ഷ ഉറപ്പാക്കുന്നതിനുള്ള സമഗ്ര നിര്ദേശങ്ങള് പുറപ്പെടുവിക്കുന്ന കാര്യം പരിഗണിക്കുകയാണ്.
ജസ്റ്റിസുമാരായ അഹ്സാനുദ്ദീന് അമാനുല്ല, ആര്. മഹാദേവന് എന്നിവരടങ്ങിയ ബെഞ്ചാണ് വിഷയം പാന്-ഇന്ത്യാ തലത്തില് ഏറ്റെടുക്കാന് തയാറാകുന്നത്. നിലവില് ഡല്ഹി ഹൈക്കോടതിയുടെ പരിഗണനയിലുള്ള പൊതുതാല്പര്യ ഹര്ജി അടിയന്തര പ്രാധാന്യം കണക്കിലെടുത്ത് സുപ്രീം കോടതിയിലേക്ക് മാറ്റുന്ന കാര്യവും ബെഞ്ച് സജീവമായി പരിഗണിക്കുന്നുണ്ട്. അറ്റകുറ്റപ്പണി നടക്കുന്നതിനിടെ കെട്ടിടം പെട്ടെന്ന് തകര്ന്നു വീണത് നിയമ ലംഘനങ്ങളുടെയും സുരക്ഷാ മാനദണ്ഡങ്ങളുടെ അഭാവത്തിന്റെയും വ്യാപ്തി വ്യക്തമാക്കുന്നതാണെന്ന് നിയമ വിദഗ്ധര് ചൂണ്ടിക്കാട്ടുന്നു.
സുപ്രീം കോടതി നിയോഗിച്ച അമിക്കസ് ക്യൂറിയും മുതിര്ന്ന അഭിഭാഷകനുമായ അജിത്ത് കുമാര് സിന്ഹ വിഷയത്തിന്റെ ഗൗരവം ചൂണ്ടിക്കാട്ടി ബെഞ്ചിനെ സമീപിക്കുകയായിരുന്നു. വിദ്യാര്ഥികള് വന്തോതില് വസിക്കുന്ന ഹോസ്റ്റലുകളും പി.ജികളും കൃത്യമായ സുരക്ഷാ ഓഡിറ്റിന് വിധേയമാക്കണമെന്ന് അദ്ദേഹം ആവശ്യപ്പെട്ടു. ഹര്ജി സുപ്രീം കോടതിയിലേക്ക് മാറ്റാനുള്ള നീക്കത്തിന് കേന്ദ്ര സര്ക്കാറിനെ പ്രതിനിധീകരിച്ച് സോളിസിറ്റര് ജനറല് തുഷാര് മേത്ത പൂര്ണ്ണ പിന്തുണ പ്രഖ്യാപിച്ചു. ദുരന്തവുമായി ബന്ധപ്പെട്ട് കെട്ടിട ഉടമ ഉള്പ്പെടെയുള്ളവര് നിലവില് കസ്റ്റഡിയിലാണ്. വിഷയത്തിന്റെ ഗൗരവം പരിഗണിച്ച് വരും ദിവസങ്ങളില് സുപ്രീം കോടതിയില് നിന്നും ശക്തമായ ഉത്തരവുകള് പ്രതീക്ഷിക്കുന്നു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20250508030843.jpg)
-20260908031330.jpg)
-20260908030217.jpg)
-20260908031201.jpg)
-20260908030827.jpg)
-20260112044425.webp)
-(2)-20260907014939.jpg)
