ന്യൂഡല്ഹി: സാധാരണക്കാരുടെ കുടുംബ ബഡ്ജറ്റുകള്ക്ക് വീണ്ടും തിരിച്ചടി നല്കിക്കൊണ്ട് രാജ്യത്ത് ഗാര്ഹിക ആവശ്യത്തിനുള്ള പാചകവാതക വിലയില് വീണ്ടും വര്ധനവ്. 14.2 കിലോഗ്രാം തൂക്കമുള്ള ഗാര്ഹിക സിലിണ്ടറിന് 29 രൂപയാണ് കമ്പനികള് വര്ധിപ്പിച്ചത്. പുതുക്കിയ നിരക്കുകള് രാജ്യത്തുടനീളം പ്രാബല്യത്തില് വന്നു.
കഴിഞ്ഞ മൂന്ന് മാസത്തിനിടയില് ഇത് രണ്ടാം തവണയാണ് ഗാര്ഹിക പാചകവാതകത്തിന് വില കൂട്ടുന്നത്. പുതിയ വര്ധനവോടെ തലസ്ഥാനമായ ഡല്ഹിയില് സിലിണ്ടര് വില 913 രൂപയില് നിന്നും 942 രൂപയായി ഉയര്ന്നു. പ്രാദേശിക നികുതികളിലെയും ട്രാന്സ്പോര്ട്ടേഷന് ചെലവുകളിലെയും വ്യത്യാസങ്ങള് കാരണം ഓരോ സംസ്ഥാനങ്ങളിലും (കേരളം ഉള്പ്പെടെ) അന്തിമ വിലയില് ചെറിയ മാറ്റങ്ങള് ഉണ്ടാകാം.
പശ്ചിമേഷ്യയില് തുടരുന്ന യുദ്ധാന്തരീക്ഷം ആഗോള ഊര്ജ വിതരണ ശൃംഖലയെയും ഇന്ധന ഇറക്കുമതിയെയും സാരമായി ബാധിച്ചിട്ടുണ്ട്. ഇത് അന്താരാഷ്ട്ര വിപണിയില് എല്പിജി വില ഉയരാന് കാരണമായി. പൊതുമേഖലാ എണ്ണക്കമ്പനികള് നിലവില് വലിയ സാമ്പത്തിക പ്രതിസന്ധിയിലൂടെയാണ് കടന്നുപോകുന്നത്. ഈ വിലവര്ധനവിന് മുന്പ് വരെ ഒരു സിലിണ്ടര് വില്ക്കുമ്പോള് കമ്പനികള്ക്ക് ഏകദേശം 703 രൂപയുടെ നഷ്ടം നേരിട്ടിരുന്നതായാണ് പിടിഐ റിപ്പോര്ട്ട് ചെയ്യുന്നത്.
കഴിഞ്ഞ മാര്ച്ച് മാസത്തില് ഗാര്ഹിക സിലിണ്ടറുകള്ക്ക് 60 രൂപ വര്ധിപ്പിച്ചിരുന്നു. അതിന് പിന്നാലെയാണ് ഇപ്പോള് 29 രൂപയുടെ അധിക ഭാരം കൂടി ജനങ്ങള്ക്ക് മേല് വന്നിരിക്കുന്നത്. കൂടാതെ, ഈ മാസം ആദ്യം വാണിജ്യ ആവശ്യങ്ങള്ക്കുള്ള എല്പിജി സിലിണ്ടര് വിലയിലും 42 രൂപയുടെ വര്ധനവ് വരുത്തിയിരുന്നു. ഇതോടെ ഹോട്ടല് ഭക്ഷണ സാധനങ്ങളുടെ വിലയും വര്ധിക്കുമോ എന്ന ആശങ്കയിലാണ് പൊതുജനങ്ങള്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260606125825.jpg)
-20260606120145.jpg)
1-20260606105957.jpg)
-20260606102748.jpg)
1-20260606095726.jpg)
-20201113035652.jpg)
-20260606051538.jpg)
