ബീജിങ്: ശരീര ഭാരം കുറയ്ക്കാന്‍ ആഗ്രഹിക്കാത്തവരായി ആരും ഉണ്ടാവില്ല.  ചിലര്‍ക്കിത് ശരീരത്തിന്റെ രൂപഭംഗി നേടുന്നതിനും മറ്റ് ചിലര്‍ക്ക് മികച്ച ആരോഗ്യം കൈവരിക്കുന്നതിനുമാണ്. എന്നാല്‍ ഈ ശ്രമത്തില്‍ എല്ലാവരും വിജയിക്കണമെന്നില്ല. ശരീരത്തിലെ കൊഴുപ്പ് കുറയ്ക്കുന്നതിനുള്ള പ്രക്രിയ ഏറെ സങ്കീര്‍ണമാണ്. ഇതില്‍ ഭക്ഷണക്രമം, വ്യായാമം, ജീവിതശൈലി മാറ്റങ്ങള്‍ എന്നിവയുടെ സംയോജനവും ഉള്‍പ്പെടുന്നു. 

ഫാറ്റ് ജയിലുകള്‍ കഠിനമായ, താമസസൗകര്യമുള്ള, സൈനിക ശൈലിയിലുള്ള, ശരീരഭാരം കുറയ്ക്കുന്ന ബൂട്ട് ക്യാമ്പുകളാണ്. രാജ്യത്ത് വര്‍ധിച്ചുവരുന്ന അമിതവണ്ണ പ്രതിസന്ധിയോട് പോരാടുന്നതിനിടയില്‍ ഇവയുടെ ജനപ്രീതി വര്‍ധിച്ചു. ഇവ യഥാര്‍ഥ കുറ്റവാളികളെ പാര്‍പ്പിക്കുന്ന കേന്ദ്രങ്ങളല്ലെങ്കിലും ഈ സ്ഥാപനങ്ങളെ പലപ്പോഴും 'ജയിലുകള്‍' എന്നാണ് വിശേഷിപ്പിക്കുന്നത്. 

അടുത്തിടെ വൈറലായ ഒരു അസാധാരണ സമീപനമാണ് 'ഫാറ്റ് ക്യാമ്പുകള്‍. കുറഞ്ഞ സമയംകൊണ്ട് ശരീരഭാരം ഗണ്യമായി കുറയ്ക്കാന്‍ സഹായിക്കുന്നതിനായി രൂപകല്‍പന ചെയ്തവയാണ് ഈ പ്രോഗ്രാമുകള്‍. ഒരു ഓസ്ട്രേലിയന്‍ ഇന്‍ഫ്‌ളുവന്‍സര്‍ ചൈനയിലെ ഒരു ഫാറ്റ് ജയിലിനെക്കുറിച്ചുള്ള അനുഭവം തന്റെ ഇന്‍സ്റ്റഗ്രാമില്‍ രേഖപ്പെടുത്തിയിരിക്കുകയാണ്. 

ഫാറ്റ് ക്യാമ്പിലെ തന്റെ ദിനചര്യയെക്കുറിച്ച് വീഡിയോയില്‍ അവര്‍ വിശദീകരിക്കുന്നുണ്ട്. രാവിലെ 7:30 ന് അലാറം മുഴങ്ങുന്നതോടെ ദിവസം ആരംഭിക്കുന്നു. രാവിലെ എട്ടോടെ എല്ലാവരും ശരീരഭാര പരിശോധനയ്ക്കായി ഒത്തുകൂടുന്നു. രാവിലെ 9:20 മുതല്‍ 10:30 വരെ കഠിനമായ ഏറോബിക്‌സ് ക്ലാസ് ഉള്‍പ്പെടുന്നു.

തുടര്‍ന്ന് രാവിലെ 11:15 ന് അന്നത്തെ ആദ്യത്തെ ഭക്ഷണം. പ്രഭാതഭക്ഷണത്തില്‍ നാല് മുട്ടകള്‍, ഒരു കഷ്ണം റൊട്ടി, അര തക്കാളി, കുറച്ച് വെള്ളരിക്ക എന്നിവ ഉള്‍പ്പെടുന്നു. പ്രഭാതഭക്ഷണത്തിനു ശേഷം, ഇവര്‍ കാര്‍ഡിയോ വ്യായാമങ്ങളില്‍ ഏര്‍പ്പെടുന്നു. അതിനുശേഷം ഉച്ചയ്ക്ക് 2:50-നും നാല് മണിക്കും ഇടയില്‍ വെയിറ്റ് ലിഫ്റ്റിങ് സെഷനായിരിക്കും. ഉച്ചഭക്ഷണത്തില്‍ ടോസ്റ്റ് ചെയ്ത താറാവ്, താമര തണ്ട്, വറുത്ത പച്ചക്കറികള്‍, കുറച്ച് കാരറ്റ്, ഒരു വാഴപ്പഴം എന്നിവ ഉള്‍പ്പെടുന്നു. തുടര്‍ന്ന്, അവര്‍ ഏകദേശം രണ്ട് മണിക്കൂര്‍ ഉയര്‍ന്ന തീവ്രതയുള്ള പരിശീലനത്തിലും സ്പിന്‍ ക്ലാസുകളിലും ഏര്‍പ്പെടുന്നു. അന്നത്തെ രാത്രി ഭക്ഷണം, വറുത്ത മത്തനും പച്ചക്കറികളും മാത്രമായിരുന്നു. അന്നത്തെ അവസാനത്തെ ശരീരഭാര പരിശോധനയ്ക്ക് ശേഷം, എല്ലാവരും ഉറങ്ങാന്‍ പോകുന്നു. ഈ വ്യായാമങ്ങള്‍ ഒരു ദിവസം ഏകദേശം 12 മണിക്കൂര്‍ വരെ നീണ്ടുനില്‍ക്കാം. ഇന്‍ഫ്‌ലുവന്‍സറായ യുവതിയുടെ ശാരീരിക മാറ്റത്തില്‍ സോഷ്യല്‍മീഡിയ ഞെട്ടിയിട്ടുമുണ്ട്.12-hour workout, strict diet; Fat prison to lose weight

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്