കീവ്: റഷ്യയുമായി നിരുപാധിക വെടിനിര്‍ത്തല്‍ പ്രഖ്യാപിക്കാന്‍ തയാറാണെന്ന് ഉക്രെയ്ന്‍ പ്രസിഡന്റ് വോളോഡിമിര്‍ സെലെന്‍സ്‌കി. റഷ്യയുടെ മേല്‍ ഉപരോധം പ്രഖ്യാപിക്കണമെന്ന് സെലന്‍സ്‌കി യുഎസിനോട് ആവശ്യപ്പെട്ടു. 

റഷ്യ നടത്തിയ എല്ലാ ഊര്‍ജ്ജ മേഖലാ വെടിനിര്‍ത്തല്‍ ലംഘനങ്ങളുടെയും വിശദാംശങ്ങള്‍ ഉക്രെയ്ന്‍ ശേഖരിച്ചിട്ടുണ്ടെന്ന് സെലന്‍സ്‌കി പറഞ്ഞു. നിയമങ്ങള്‍ പാലിക്കാന്‍ സമ്മര്‍ദ്ദം ചെലുത്താന്‍ രാജ്യത്ത് ഉപരോധങ്ങള്‍ ഏര്‍പ്പെടുത്തണമെന്ന് അമേരിക്കയോട് ആവശ്യപ്പെട്ടിട്ടുണ്ടെന്നും സെലെന്‍സ്‌കി പറഞ്ഞു.

വെടിനിര്‍ത്തലിന് മധ്യസ്ഥത വഹിക്കുന്ന അമേരിക്ക, ഇരു രാജ്യങ്ങളും തമ്മിലുള്ള ഊര്‍ജ്ജ വെടിനിര്‍ത്തലിന്റെ നിയമങ്ങള്‍ റഷ്യ പാലിക്കുന്നില്ലെന്ന് പതുക്കെ മനസ്സിലാക്കാന്‍ തുടങ്ങിയിരിക്കുന്നുവെന്ന് അദ്ദേഹം പ്രസ്താവിച്ചു.

2022 ല്‍ അധിനിവേശം ആരംഭിച്ചതിനുശേഷം, ഉക്രെയ്നിലെ ചില അധിനിവേശ പ്രദേശങ്ങളില്‍ റഷ്യ 183,000 യുദ്ധക്കുറ്റകൃത്യങ്ങള്‍ നടത്തിയെന്ന്  തിങ്കളാഴ്ച സെലെന്‍സ്‌കി ആരോപിച്ചിരുന്നു. 

ഉക്രെയ്നില്‍ നിരുപാധിക വെടിനിര്‍ത്തല്‍ എന്ന യുഎസ് നിര്‍ദ്ദേശം റഷ്യന്‍ പ്രസിഡന്റ് പുടിന്‍ നിരസിച്ചിരുന്നു. സെലെന്‍സ്‌കിക്ക് പകരം ഉക്രെയ്നില്‍ പുതിയ നേതൃത്വത്തിനായി പുടിന്‍ ആഹ്വാനം ചെയ്യുകയും ചെയ്തിരുന്നു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്