യുഎസ് ഉല്‍പ്പന്നങ്ങള്‍ക്ക് ചുമത്തിയിരിക്കുന്ന എല്ലാ തീരുവകളും ഇസ്രായേല്‍ പിന്‍വലിച്ചു

APRIL 1, 2025, 3:34 PM

ജെറുസലേം: യുഎസ് ഉല്‍പ്പന്നങ്ങള്‍ക്ക് ചുമത്തിയിരിക്കുന്ന എല്ലാ തീരുവകളും ഇസ്രായേല്‍ പിന്‍വലിച്ചു. ഇസ്രായേല്‍ പ്രധാനമന്ത്രി ബെഞ്ചമിന്‍ നെതന്യാഹുവിന്റെയും മറ്റ് ഇസ്രായേല്‍ നേതാക്കളുടെയും നിര്‍ദ്ദേശപ്രകാരമാണ് നടപടി. വിപണിയില്‍ കൂടുതല്‍ മത്സരം വളര്‍ത്തിയെടുക്കുക, സമ്പദ്വ്യവസ്ഥയെ കൂടുതല്‍ വൈവിധ്യപൂര്‍ണ്ണമാക്കുക, ഇസ്രായേല്‍ ജനങ്ങളുടെ ജീവിതച്ചെലവ് കുറയ്ക്കുക എന്നിവയാണ് ഈ നീക്കത്തിന്റെ ലക്ഷ്യമെന്ന് നെതന്യാഹു പറഞ്ഞു.

'ഇസ്രായേലിന്റെ സമ്പദ്വ്യവസ്ഥയ്ക്കും പൗരന്മാര്‍ക്കും സാമ്പത്തിക നേട്ടങ്ങള്‍ നല്‍കുന്നതിനൊപ്പം, ഇസ്രായേലും അമേരിക്കയും തമ്മിലുള്ള സഖ്യവും ബന്ധവും കൂടുതല്‍ ശക്തിപ്പെടുത്താന്‍ ഈ നീക്കം ഞങ്ങളെ അനുവദിക്കും. തടസ്സങ്ങളും തീരുവകളും നീക്കം ചെയ്യുന്നതിനും അമേരിക്കയുമായുള്ള ഞങ്ങളുടെ പ്രത്യേക ബന്ധം ശക്തിപ്പെടുത്തുന്നതിനും ഞങ്ങള്‍ തുടര്‍ന്നും പ്രവര്‍ത്തിക്കും.' നെതന്യാഹു പ്രസ്താവനയില്‍ പറഞ്ഞു.

പ്രസിഡന്റ് ഡൊണാള്‍ഡ് ട്രംപ് യുഎസ് വ്യാപാര പങ്കാളികള്‍ക്ക് പരസ്പര താരിഫ് ചുമത്താന്‍ ഒരുങ്ങുന്നതിന് ഒരു ദിവസം മുമ്പാണ് നെതന്യാഹു, ഇസ്രായേല്‍ ധനകാര്യ മന്ത്രി ബെസലെല്‍ സ്‌മോട്രിച്ച്, രാജ്യത്തിന്റെ സാമ്പത്തിക, വ്യവസായ മന്ത്രി നിര്‍ ബര്‍ക്കത്ത് എന്നിവര്‍ സംയുക്ത പ്രസ്താവനയില്‍ തീരുമാനം പ്രഖ്യാപിച്ചത്.

vachakam
vachakam
vachakam

ഇസ്രായേലിന്റെ ഏറ്റവും വലിയ വ്യാപാര പങ്കാളിയും ഏറ്റവും അടുത്ത സഖ്യകക്ഷിയുമാണ് യുഎസ്. 2024 ല്‍ 34 ബില്യണ്‍ ഡോളറിന്റെ ഉഭയകക്ഷി വ്യാപാരം നടക്കുന്നുണ്ടെന്ന് യുണൈറ്റഡ് സ്റ്റേറ്റ്‌സ് ട്രേഡ് റെപ്രസന്റേറ്റീവിന്റെ ഓഫീസ് പറയുന്നു. ഏകദേശം 40 വര്‍ഷങ്ങള്‍ക്ക് മുമ്പ് രണ്ട് സഖ്യകക്ഷികളും ഒരു സ്വതന്ത്ര വ്യാപാര കരാറില്‍ ഒപ്പുവച്ചു. ഇത് യുഎസില്‍ നിന്നുള്ള ഏകദേശം 99% ഉല്‍പ്പന്നങ്ങളെയും നികുതി രഹിതമാക്കി. ശേഷിക്കുന്ന ഉല്‍പ്പന്നങ്ങളുടെ നികുതിയാണ് ഇപ്പോള്‍ എടുത്തു കളഞ്ഞിരിക്കുന്നത്. പ്രധാനമായും യുഎസ് ഭക്ഷ്യ, കാര്‍ഷിക ഇറക്കുമതികള്‍ക്കാവും പുതിയ തീരുമാനത്തിന്റെ നേട്ടം ലഭിക്കുക.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (
https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്

Get daily updates from vachakam.com

TRENDING NEWS
vachakam
vachakam
RELATED NEWS
vachakam