തിങ്കളാഴ്ച പുലർച്ചെ ഗ്രാൻഡ് കാർട്ടാൽ ഹോട്ടലിൽ 76 പേരുടെ മരണത്തിനിടയാക്കിയ തീപിടുത്തം തുർക്കി ചരിത്രത്തിലെ ഏറ്റവും വലിയ ദുരന്തങ്ങളിലൊന്നാണ് എന്നാണ് റിപ്പോർട്ടുകളിൽ നിന്നും വ്യക്തമാക്കുന്നത്. അഗ്നിശമന സംവിധാനങ്ങൾ ശരിയായി പ്രവർത്തിക്കുന്ന ഒരു ഹോട്ടലിൽ ഇത്രയും ഉയർന്ന മരണസംഖ്യ തങ്ങൾ പ്രതീക്ഷിച്ചിരുന്നില്ലെന്നാണ് വിദഗ്ധർ വ്യക്തമാക്കുന്നത്. അതേസമയം ഒരു ഫയർ അലാറം പോലും കേട്ടില്ലെന്നാണ് രക്ഷപ്പെട്ടവർ പറയുന്നത്.

തുർക്കിയിലെ പ്രശസ്തമായ കർത്താൽകായ സ്കീ റിസോർട്ടിലെ 12 നിലകളുള്ള ഹോട്ടലിൽ എല്ലാ വർഷവും പതിനായിരക്കണക്കിന് സന്ദർശകരാണ് എത്തുന്നത്. നാലാം നിലയിലെ റസ്റ്റോറൻ്റ് ഏരിയയിൽ ആണ് തീപിടുത്തമുണ്ടായതെന്നും 45 മിനിറ്റിനുള്ളിൽ അഗ്നിശമന സേനാംഗങ്ങൾ എത്തിയെന്നും ആഭ്യന്തര മന്ത്രി പറഞ്ഞു.

"അഗ്നിശമന വകുപ്പ് നൽകിയ" അഗ്നിശമന സർട്ടിഫിക്കറ്റ് ഹോട്ടലിന് ഉണ്ടെന്ന് സാംസ്കാരിക, ടൂറിസം മന്ത്രി മെഹ്മത് നൂറി എർസോയ് പറഞ്ഞു. എന്നാൽ 2007 മുതൽ ഫയർ ഡിപ്പാർട്ട്‌മെൻ്റ് അനുകൂല റിപ്പോർട്ട് നൽകിയിട്ടില്ലെന്ന് പ്രാദേശിക മേയർ തഞ്ജു ഓസ്‌കാൻ പറയുന്നു.

ഹോട്ടലിലെ അഗ്നിശമന സംവിധാനങ്ങളിലെ അപാകതകൾ ഉണ്ടെന്ന് അവകാശപ്പെടുമ്പോൾ, തങ്ങൾ അലാറമൊന്നും കേട്ടില്ലെന്നാണ് രക്ഷപ്പെട്ട ചിലർ പറയുന്നത്. അഗ്നിശമന സേന വരാൻ ഏകദേശം ഒരു മണിക്കൂർ മുതൽ ഒന്നര മണിക്കൂർ വരെ എടുത്തു എന്നാണ് രക്ഷപ്പെട്ടവർ പറയുന്നത്. അതിനിടയിൽ നാലാമത്തെയും അഞ്ചാമത്തെയും നിലകൾ കത്തിയമർന്നിരുന്നു.

അതേസമയം ഈ ആരോപണങ്ങളുമായി ബന്ധപ്പെട്ട് ഹോട്ടലിൻ്റെ മാനേജർമാരുമായി ബന്ധപ്പെടാൻ ശ്രമിച്ചെങ്കിലും ഇതുവരെ പ്രതികരണമൊന്നും ലഭിച്ചിട്ടില്ല. അന്വേഷണത്തിൻ്റെ ഭാഗമായി ഹോട്ടൽ ഉടമ ഉൾപ്പെടെ ഒമ്പത് പേരെ കസ്റ്റഡിയിലെടുത്തിട്ടുണ്ട്. ഉണ്ടായ ദുരന്തത്തിൽ വേദന ഉണ്ടെന്നും നഷ്ടത്തിൽ വിലപിക്കുന്നതായും അധികൃതരുമായി പൂർണമായി സഹകരിക്കുന്നതായും ഹോട്ടൽ മാനേജർമാർ പ്രസ്താവനയിറക്കിയിട്ടുണ്ട്.

അതേസമയം അഗ്നിശമന സംവിധാനങ്ങൾ പൂർണ്ണമായി പ്രവർത്തനക്ഷമമായ ഇത്രയും വലിയ കെട്ടിടത്തിൽ, അഗ്നിശമന സംവിധാനങ്ങൾ നിമിഷങ്ങൾക്കകം തീപിടുത്തത്തോട് പ്രതികരിക്കുകയും അഗ്നി നിയന്ത്രണ ഡാഷ്‌ബോർഡിലേക്ക് മുന്നറിയിപ്പ് അയയ്ക്കുകയും ചെയ്യുമെന്ന് വിദഗ്ധർ പറയുന്നു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്