ഉക്രെയിനില്‍ റഷ്യന്‍ ആയുധങ്ങളാല്‍ മുഖം വികൃതമായവര്‍ക്ക് ശസ്ത്രക്രിയയിലൂടെ പുതുജീവിതം നല്‍കാന്‍ ഡോക്ടര്‍മാര്‍

JANUARY 1, 2025, 7:36 PM

റഷ്യന്‍ ആയുധങ്ങള്‍ ഉക്രെയ്‌നിന്റെ മുന്‍നിര സൈനികരുടെ മുഖം നശിപ്പിക്കുന്നു. പീരങ്കികള്‍, ഗ്ലൈഡ് ബോംബുകള്‍, ഡ്രോണുകള്‍, മൈനുകള്‍ എന്നിവയില്‍ നിന്നുള്ള വെടിയുണ്ടകളും മറ്റും സൈനികരുടെ തലയോട്ടികളും താടിയെല്ലുകളും തകര്‍ക്കുകയും അവരുടെ കണ്ണുകള്‍ കീറുകയും കവിളുകളും വായും മുറിക്കുകയും ചെയ്യുന്നു.

ഇത്തരത്തില്‍ ഉണ്ടായിരിക്കുന്ന മുഖത്തെ മുറിവുകളുടെ വ്യാപ്തി വളരെ കഠിനമാണ്. ഇത് കഴിഞ്ഞ നൂറ്റാണ്ടിലെ ലോകമഹായുദ്ധങ്ങളെ അനുസ്മരിപ്പിക്കുന്നതാണെന്ന് വിദഗ്ധര്‍ പറയുന്നു. എന്നാല്‍ അവയെ ചികിത്സിക്കുന്നതിനുള്ള സാങ്കേതികവിദ്യ പുരോഗമിക്കുകയാണ്. ഉക്രേനിയന്‍ ഡോക്ടര്‍മാരും വിദേശ സന്നദ്ധപ്രവര്‍ത്തകരും 100 വര്‍ഷത്തിലേറെ മുമ്പ് വികസിപ്പിച്ച ശസ്ത്രക്രിയാ വിദ്യകള്‍ കളാണ് ഇതിനായി ഉപയോഗിക്കുന്നത്. പരിക്കേറ്റ സൈനികരുടെ എണ്ണം സര്‍ക്കാര്‍ വെളിപ്പെടുത്താത്തതിനാല്‍ ഉക്രെയ്‌നിലുടനീളം എത്ര മുഖം പുനര്‍നിര്‍മ്മാണ ശസ്ത്രക്രിയകള്‍ നടത്തിയിട്ടുണ്ടെന്ന് വ്യക്തമല്ല.

എന്നാല്‍ ഉക്രേനിയന്‍ ശസ്ത്രക്രിയാ വിദഗ്ധര്‍ പറയുന്നത്, അവരുടെ ഷെഡ്യൂളുകള്‍ നിരന്തരമായ രോഗികളുടെ പ്രളയത്താല്‍ നിറഞ്ഞിരിക്കുന്നു എന്നാണ്. മാത്രമല്ല അവരുടെ പരിക്കുകള്‍ പലപ്പോഴും ചുറ്റുമുള്ളവരില്‍ ഭീതിയും ഉളവാക്കുന്നു. അവരുടെ മുഖം വീണ്ടെടുക്കാനുള്ള നടപടിക്രമങ്ങള്‍ അവരെ ലോകത്തിലേക്ക് തിരികെ കൊണ്ടുവരാന്‍ സഹായിക്കുന്നു എന്നും അവര്‍ കൂട്ടിച്ചേര്‍ത്തു.