റഷ്യന്‍ വാതകത്തിന്റെ ഒഴുക്ക് നിലച്ചതോടെ മോള്‍ഡോവ ഊര്‍ജ്ജ പ്രതിസന്ധിയില്‍

JANUARY 1, 2025, 8:11 PM

മോസ്‌കോ: പുതുവത്സര ദിനത്തില്‍, റഷ്യന്‍ വാതകം ഉക്രെയ്‌നിലൂടെ ഒഴുകുന്നത് നിര്‍ത്തി. റഷ്യയുടെ ഗാസ്പ്രോമുമായുള്ള ട്രാന്‍സിറ്റ് കരാര്‍ നീട്ടാനുള്ള വിസമ്മതം ഉക്രെയ്നിലെ പൂര്‍ണ്ണ തോതിലുള്ള അധിനിവേശത്തിന് ധനസഹായം നല്‍കുന്നത് തടഞ്ഞതിനാല്‍ കീവ് ഇതിനെ ചരിത്രദിനമായിടാടണ് വിളിച്ചത്. എന്നാല്‍ അയല്‍രാജ്യമായ മോള്‍ഡോവയില്‍ ഈ നീക്കം പ്രതിസന്ധി സൃഷ്ടിക്കും.

മോസ്‌കോയോട് വിശ്വസ്തരായ കിഴക്കന്‍ മോള്‍ഡോവയിലെ വിഘടനവാദി മേഖലയായ ട്രാന്‍സ്‌നിസ്ട്രിയയില്‍, വര്‍ഷം ആരംഭിച്ചത് ആശുപത്രികളിലും നിര്‍ണായകമായ അടിസ്ഥാന സൗകര്യങ്ങളിലും മാത്രം ചൂട് നിലിര്‍ത്തി വീടുകളില്‍ ഹീറ്റിനായുള്ള സംവിധാനങ്ങള്‍ നിലച്ച നിലയിലും ആയിരുന്നു. പുലര്‍ച്ചെ 2 മണി വരെ ചൂടുവെള്ളം ഓണായിരുന്നു, താന്‍ പരിശോധിച്ചു. ഇപ്പോള്‍ അത് ഓഫാണ്, റേഡിയറുകള്‍ വളരെ ചൂടാണെന്ന് എന്‍ക്ലേവിലെ തന്റെ ഫ്‌ലാറ്റില്‍ നിന്ന് ഫോണിലൂടെ ദിമിത്രി ബിബിസിയോട് പറഞ്ഞു. ഞങ്ങള്‍ക്ക് ഇപ്പോഴും വാതകമുണ്ട്, പക്ഷേ വളരെ കുറവാണ് പൈപ്പുകളില്‍ അവശേഷിക്കുന്നത് മാത്രം. എല്ലായിടത്തും ഇത് ഒരുപോലെയാണെന്നും അദ്ദേഹം വ്യക്തമാക്കി.

സോവിയറ്റ് യൂണിയന്‍ ശിഥിലമായപ്പോള്‍ ഒരു ചെറിയ യുദ്ധത്തില്‍ ട്രാന്‍സ്‌നിസ്ട്രിയ മൊള്‍ഡോവയുടെ മറ്റ് ഭാഗങ്ങളില്‍ നിന്ന് പിരിഞ്ഞു. അതിന്റെ മണ്ണില്‍ ഇപ്പോഴും റഷ്യന്‍ സൈന്യമുണ്ട്, റഷ്യന്‍ ഗ്യാസിനെ പൂര്‍ണ്ണമായും ആശ്രയിക്കുന്ന ഒരു സമ്പദ്വ്യവസ്ഥയുണ്ട്, അതിന് ടിറാസ്‌പോളിലെ അധികാരികള്‍ ഒന്നും നല്‍കുന്നില്ല. അവരുടെ കൈവശം ഒരു ഫയല്‍ മാത്രമേയുള്ളൂ, അവിടെ ഓരോ മാസവും കടം എത്രയാണെന്ന് അത് പറയുന്നു. എന്നാല്‍ ഈ പണം ആവശ്യപ്പെടാന്‍ റഷ്യയ്ക്ക് താല്‍പ്പര്യമില്ല.

ചില ട്രാന്‍സ്‌നിസ്ട്രിയന്‍ പട്ടണങ്ങളില്‍, അധികാരികള്‍ 'ഹീറ്റിംഗ് പോയിന്റുകള്‍' സ്ഥാപിക്കുന്നു, കൂടാതെ വിറക് കണ്ടെത്താന്‍ സഹായത്തിനായി ഹോട്ട്ലൈനുകളും ഉണ്ട്. ഹീറ്റിനായി ഒരു മുറിയില്‍ ഒത്തുകൂടാനും ജനലുകളുടെയും വാതിലുകളുടെയും വിള്ളലുകള്‍ പുതപ്പുകള്‍ ഉപയോഗിച്ച് അടയ്ക്കാനും കുടുംബങ്ങളോട് നിര്‍ദ്ദേശിച്ചിട്ടുണ്ട്. എന്‍ക്ലേവില്‍ പുതുവത്സര ദിനം സൂര്യപ്രകാശം കൊണ്ടുവന്നെങ്കിലും രാത്രിയിലെ താപനില 0Cല്‍ താഴെയാകുമെന്നാണ് പ്രവചനം.