വത്തിക്കാൻ: വത്തിക്കാൻ സന്ദർശനത്തിനൊരുങ്ങി ചാൾസ് മൂന്നാമൻ രാജാവ്. അടുത്ത മാസം വത്തിക്കാൻ സന്ദർശിക്കുന്ന ചാൾസ് രാജാവ് ഫ്രാൻസിസ് മാർപാപ്പയെ  കാണും.

ന്യുമോണിയയിൽ നിന്ന് സുഖം പ്രാപിക്കുന്നതിനാൽ, അപ്പോഴേക്കും പോപ്പ് ജോലിയിൽ തിരിച്ചെത്തുമെന്ന ശുഭാപ്തിവിശ്വാസത്തിലാണ് വിശ്വാസി സമൂഹം. 

ശ്വാസകോശ സംബന്ധമായ അണുബാധ കാരണം ഫെബ്രുവരി 14 നാണ് മാർപാപ്പയെ റോമിലെ  ജെമെല്ലി ആശുപത്രിയിൽ പ്രവേശിപ്പിച്ചത്. പോപ്പ് ക്രമേണ പുരോഗതി കാണിക്കുന്നതിനാൽ ഇടയ്ക്കിടെ മെഡിക്കൽ ബുള്ളറ്റിനുകൾ പുറത്തിറക്കുന്നില്ലെന്ന് വത്തിക്കാൻ കഴിഞ്ഞ ദിവസം അറിയിച്ചിരുന്നു.

പതിനാറാം നൂറ്റാണ്ടിൽ ഹെൻറി എട്ടാമൻ രാജാവിന്റെ ഭരണകാലത്ത് റോമിൽ നിന്ന് വേർപിരിഞ്ഞ കത്തോലിക്കാ സഭയും ഇംഗ്ലണ്ട് സഭയും തമ്മിൽ കൂടുതൽ അടുത്ത ബന്ധം സ്ഥാപിക്കാനുള്ള ശ്രമങ്ങളുടെ പ്രതീകമാണ് ചാൾസിന്റെ വത്തിക്കാൻ സന്ദർശനം.

ചാൾസിന്റെ യാത്ര ഏപ്രിൽ 7 ന് ആരംഭിച്ച് മൂന്ന് ദിവസം നീണ്ടുനിൽക്കും. റോമിലും,  ഇറ്റലിയിലെ പരിപാടികളിലും പങ്കെടുക്കും. ചാൾസിന്റെ സന്ദർശന വേളയിൽ ഇറ്റാലിയൻ വ്യോമസേനയുടെ എയറോബാറ്റിക് ടീമായ ഫ്രെസ് ട്രൈക്കോളോറി അഥവാ ട്രൈകളർ ആരോസിന്റെയും   റോയൽ എയർഫോഴ്‌സ് ടീമായ റെഡ് ആരോസിന്റെയും സംയുക്ത ഫ്ലൈപാസ്റ്റ് റോമിന് മുകളിലൂടെ ഉണ്ടായിരിക്കും.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്