'കാന്ത'യുടെ റിലീസ് നീട്ടിവെച്ച് വേഫേറർ ഫിലിംസ്: കാരണമിതാണ്

SEPTEMBER 11, 2025, 7:16 AM

പ്രേക്ഷക പ്രശംസ നേടി വിജയം കൊയ്ത് കുതിച്ചു പായുകയാണ് 'ലോക ചാപ്റ്റർ 1: ചന്ദ്ര'. ലോകയ്ക്ക് വമ്പൻ പ്രേക്ഷക നിരൂപക പ്രശംസകളാണ് ലഭിച്ചുകൊണ്ടിരിക്കുന്നത്.

ദുൽഖർ സൽമാന്റെ വേഫേറർ ഫിലിംസ് ആണ് ലോക നിർമ്മിച്ചിരിക്കുന്നത്. ലോകയുടെ വമ്പൻ വിജയത്തിന് പിന്നാലെ ദുൽഖർ സൽമാൻ നായകനായെത്തുന്ന 'കാന്ത' എന്ന ചിത്രത്തിന്റെ റിലീസ് മാറ്റിവെച്ചിരിക്കുകയാണ്.

'ലോക'യുടെ ഉജ്ജ്വല വിജയത്തോടെ, ബോക്‌സ് ഓഫീസിൽ ചന്ദ്രയുടെ കുതിപ്പ് കുതിച്ചുയരണമെന്ന് തങ്ങൾ ആഗ്രഹിക്കുന്നുവെന്നും അതിനാൽ, കാന്തയുടെ റിലീസ് തീയതി ഞങ്ങൾ മാറ്റിവെക്കുന്നുവെന്നും ഉടനെ തിയേറ്ററുകളിൽ കാണാമെന്നും അണിയറ പ്രവർത്തകർ അറിയിച്ചു.