ഇന്ത്യൻ ടെലിവിഷനിലെ സൂപ്പർ ഹീറോ ശക്തിമാൻ തിരിച്ചുവരുന്നു. ശക്തിമാൻ എന്ന കഥാപാത്രത്തെ അവതരിപ്പിക്കുന്ന മുകേഷ് ഖന്നയാണ് ഇക്കാര്യം അറിയിച്ചത്.

ശക്തിമാൻ്റെ ടീസറും അദ്ദേഹം പുറത്തുവിട്ടു. ശക്തിമാൻ സിനിമയാക്കുന്നുവെന്ന ചർച്ചകൾക്കിടെയാണ് മുകേഷ് ഖന്നയുടെ വെളിപ്പെടുത്തൽ.

'അവൻ മടങ്ങിവരുന്നു' എന്ന കുറിപ്പോടെ നടൻ ടീസറും പുറത്തുവിട്ടിട്ടുണ്ട്.  'ഇന്ത്യയുടെ ആദ്യ സൂപ്പർ ​ടീച്ചർ – സൂപ്പർ ഹീറോ തിരിച്ചെത്താനുള്ള സമയമായിരിക്കുകയാണ്.

കുട്ടികളെ കീഴ്പ്പെടുത്തുന്ന തിന്മയേയും ഇരുട്ടിനെയും അകറ്റി, പുതിയ പാഠങ്ങൾ പകർന്നു നൽകാൻ ​അവൻ എത്തുന്നു. ഇന്നത്തെ തലമുറയ്‌ക്ക് വേണ്ടി. അവനെ ഇരുകയ്യും നീട്ടി സ്വാ​ഗതം ചെയ്യാം', എന്നായിരുന്നു ഇൻസ്റ്റാ​ഗ്രാമിൽ മുകേഷ് ഖന്ന കുറിച്ചത്.  

അതേസമയം, ശക്തിമാൻ തിരിച്ചുവരുന്നുവെന്ന പ്രതികരണവുമായി ആരാധകരും രംഗത്തെത്തി.  90’s കിഡ്സിന്റെ സൂപ്പർ ഹീറോ വരുന്നതിൽ അതിയായ സന്തോഷമെന്ന് പറയുന്നവരും ധാരാളമാണ്. നേരത്തെ ശക്തിമാൻ സിനിമയാകാൻ പോകുന്നുവെന്ന് മുകേഷ് ഖന്ന വെളിപ്പെടുത്തിയിരുന്നു. 

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്