'ഇനി വരാൻ പോകുന്നത് ടോവിനോയുടെ ഫുൾ ഷോ, അത് കഴിഞ്ഞു ദുൽഖർ'; ലോക അടുത്ത ഭാഗങ്ങളെ കുറിച്ച് സംവിധായകൻ ഡൊമിനിക് അരുൺ

SEPTEMBER 16, 2025, 10:45 PM

കല്യാണി പ്രിയദർശൻ, നസ്ലെൻ എന്നിവരെ കേന്ദ്ര കഥാപാത്രങ്ങളാക്കി ഡൊമിനിക് അരുൺ ഒരുക്കിയ ഹിറ്റ് ചിത്രമാണ് ലോക. ഇപ്പോഴിതാ സിനിമയുടെ അടുത്ത ഭാഗങ്ങളെക്കുറിച്ച് വ്യക്തമാക്കിയിരിക്കുകയാണ് സംവിധായകൻ ഡൊമിനിക് അരുൺ.

ടൊവിനോയെ നായകനാക്കിയുള്ള ചാത്തന്റെ കഥയാണ് ഇനി അടുത്തതായി ലോക യൂണിവേഴ്സിൽ പുറത്തിറങ്ങാൻ ഉള്ളതെന്നും അതിന് ശേഷം ദുൽഖറിന്റെ ചിത്രം വരുമെന്നും ആണ് ഡൊമിനിക് അരുൺ വ്യക്തമാക്കുന്നത്.

'അടുത്ത ഭാഗം ടൊവിനോയുടെ ചാത്തനെക്കുറിച്ചാണ്. അതൊരു ഔട്ട് ആൻഡ് ഔട്ട് ടൊവിനോ ഷോ ആയിരിക്കും. ദുൽഖറിനെ നായകനാക്കിയുള്ള മൂന്നാം ഭാഗം അതിന് ശേഷം വരും. നിലവിൽ അടുത്ത ഭാഗങ്ങളെക്കുറിച്ച് ഞാൻ കൂടുതലൊന്നും തലപുകഞ്ഞ് ആലോചിക്കുന്നില്ല. എന്നാൽ എത്രയും പെട്ടെന്ന് തുടങ്ങണമെന്നാണ് എനിക്ക് ആഗ്രഹം' എന്നാണ് അദ്ദേഹം വ്യക്തമാക്കിയത്.