തമിഴ് സൂപ്പർതാരം അജിത് കുമാറിൻ്റെ സഹോദരൻ അനിൽ കുമാർ അഭിനയരംഗത്തേക്ക് അരങ്ങേറ്റം കുറിക്കുന്നു. കോക്കോ ആൻഡ് നട്ട് (Coco and Nut) എന്ന് പേരിട്ടിരിക്കുന്ന ഹോളിവുഡ് റോമാൻ്റിക് കോമഡി ചിത്രത്തിലൂടെയാണ് അനിലിൻ്റെ സിനിമാപ്രവേശം. ഇൻസ്റ്റാഗ്രാം വഴിയാണ് അദ്ദേഹം ഈ ആവേശകരമായ വാർത്ത ആരാധകരെ അറിയിച്ചത്. ഒരു ഹോളിവുഡ് ചിത്രത്തിൻ്റെ ഭാഗമാകാൻ കഴിയുന്നതിൽ ഏറെ സന്തോഷമുണ്ടെന്ന് അദ്ദേഹം കുറിച്ചു.

യഥാർത്ഥ ജീവിതത്തിൽ ഒരു സംരംഭകനായ അനിൽ, താൻ സ്ഥാപിച്ച Jodi365.com എന്ന മാട്രിമോണിയൽ സൈറ്റിൻ്റെ സിഇഒ ആയി തന്നെയാണ് സിനിമയിലും പ്രത്യക്ഷപ്പെടുന്നത്. മിസ്റ്റർ മാച്ച് മേക്കർ എന്ന അതിഥി വേഷത്തിലാണ് അദ്ദേഹം എത്തുന്നത്. സിനിമയിലെ വളരെ രസകരമായ ഒരു ഭാഗത്താകും താൻ ഉണ്ടാകുകയെന്നും ഷിക്കാഗോയിൽ ജൂൺ മാസത്തിൽ ചിത്രീകരണം ആരംഭിക്കുമെന്നും അദ്ദേഹം വ്യക്തമാക്കി. നേരത്തെ കൺസൾട്ടിംഗ്, ഇൻവെസ്റ്റിംഗ് മേഖലകളിൽ സജീവമായിരുന്ന അനിൽ ഇപ്പോൾ സോഷ്യൽ മീഡിയയിലും സജീവ സാന്നിധ്യമാണ്.

ചിത്രത്തിലെ ഗാനങ്ങൾക്കായി സംഗീതം ഒരുക്കുന്നത് തെന്നിന്ത്യൻ സംഗീത സംവിധായകൻ ജസ്റ്റിൻ പ്രഭാകരനാണ്. കഴിഞ്ഞ ഒക്ടോബറിൽ ചെന്നൈയിൽ വെച്ച് നടന്ന ഒരു പാട്ടിൻ്റെ റെക്കോർഡിംഗിൽ താൻ പങ്കെടുത്തിരുന്നതായും അത് അതിമനോഹരമായ ഒരു ഗാനമാണെന്നും അനിൽ വെളിപ്പെടുത്തി. 

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്