ഹ്യൂണ്ടായ് 40000 വാഹനങ്ങൾ തിരിച്ചുവിളിക്കുന്നു

MAY 5, 2021, 5:47 PM

എഞ്ചിൻ തീപിടിത്തമുണ്ടാകാൻ സാധ്യതയുള്ളതിനാൽ 40000 വാഹനങ്ങൾ തിരിച്ചുവിളിക്കുന്നതായി ഹ്യൂണ്ടായിയും ദേശീയപാത ട്രാഫിക് സേഫ്റ്റി അഡ്മിനിസ്ട്രേഷനും (എൻ‌എച്ച്‌ടി‌എ) ചൊവ്വാഴ്ച പ്രഖ്യാപിച്ചു.

ഹ്യുണ്ടായിയുടെ വെബ്‌സൈറ്റിൽ ലിസ്റ്റുചെയ്‌തിരിക്കുന്ന വാഹനങ്ങളിൽ ചില സാന്താ ഫെ സ്‌പോർട്ട് എസ്‌യുവികളെയും വെലോസ്റ്ററുകളെയും സോണാറ്റ സ്റ്റാൻഡേർഡ് മോട്ടോർ, ഹൈബ്രിഡ് എഞ്ചിൻ മോഡലുകളെയും പുതിയ പ്രശ്നം ബാധിക്കുന്നു. 2011 മുതൽ 2016 വരെയുള്ള മോഡലുകൾ ആണ് തിരിച്ചു വിളിക്കുന്നത്.

വെബ്‌സൈറ്റിലെ കമ്പനിയുടെ മുന്നറിയിപ്പ് അനുസരിച്ച് ഉപഭോക്താക്കളോട് അവരുടെ വാഹങ്ങളിലെ എഞ്ചിനുകളിൽ നിന്ന് പുറപ്പെടുന്ന ശബ്ദങ്ങൾ ശ്രദ്ധിക്കണമെന്നും ഊർജ്ജ നഷ്ടം അന്വേഷിക്കാനും ആവശ്യപ്പെടുന്നു. എഞ്ചിനിലേക്ക് ബ്രേക്ക് ഫ്ലൂയിഡ് ചോർന്നതാണ് പ്രശ്‌നത്തിന് കാരണമെന്ന് റിപ്പോർട്ട് പറയുന്നു.