"ഇന്ന് രാത്രി ഇറാന് കനത്ത തിരിച്ചടി നൽകും, എണ്ണ വിപണി പിടിച്ചെടുക്കും"; കടുത്ത മുന്നറിയിപ്പുമായി ഡോണൾഡ് ട്രംപ്

JUNE 11, 2026, 8:22 AM

വാഷിംഗ്ടൺ: പശ്ചിമേഷ്യയിൽ യുദ്ധഭീതി നിലനിൽക്കുന്ന പശ്ചാത്തലത്തിൽ ഇറാനെതിരെ കടുത്ത നീക്കങ്ങളുമായി അമേരിക്ക. ഇന്ന് രാത്രി ഇറാനെതിരെ അതീവ ശക്തമായ ആക്രമണം അഴിച്ചുവിടുമെന്ന് യു.എസ് പ്രസിഡന്റ് ഡൊണാൾഡ് ട്രംപ് പ്രഖ്യാപിച്ചു.

കൂടാതെ ഇറാന്റെ എണ്ണ, പ്രകൃതിവാതക അടിസ്ഥാന സൗകര്യങ്ങളുടെയും വിപണിയുടെയും നിയന്ത്രണം അമേരിക്ക ഉടൻ തന്നെ ഏറ്റെടുക്കുമെന്നും ട്രംപ് വ്യക്തമാക്കി.

തന്റെ സോഷ്യൽ മീഡിയ പ്ലാറ്റ്‌ഫോമായ 'ട്രൂത്ത് സോഷ്യൽ' വഴിയാണ് ട്രംപ് ഈ കടുത്ത മുന്നറിയിപ്പ് നൽകിയത്. "വളരെ അടുത്ത ഭാവിയിൽ തന്നെ ഇറാന്റെ പ്രധാന എണ്ണക്കയറ്റുമതി കേന്ദ്രമായ ഖാർഗ് ഐലൻഡ് (Kharg Island) ഉൾപ്പെടെയുള്ള തന്ത്രപ്രധാനമായ എണ്ണ ഇൻഫ്രാസ്ട്രക്ചറുകൾ ഞങ്ങൾ പിടിച്ചെടുക്കും. മുൻപ് വെനിസ്വേലയിൽ ചെയ്തതുപോലെ ഇറാന്റെ എണ്ണ, പ്രകൃതിവാതക വിപണികളുടെ പൂർണ്ണ നിയന്ത്രണം അമേരിക്ക ഏറ്റെടുക്കും," ട്രംപ് കുറിച്ചു.

ഹോർമുസ് കടലിടുക്ക് അടയ്ക്കുമെന്ന ഇറാന്റെ പ്രഖ്യാപനത്തിനും അമേരിക്കൻ താവളങ്ങൾക്ക് നേരെ നടന്ന മിസൈലാക്രമണങ്ങൾക്കും പിന്നാലെ ട്രംപ് നടത്തിയ ഈ പ്രസ്താവന മേഖലയെ സമ്പൂർണ്ണ യുദ്ധത്തിലേക്ക് തള്ളിവിടുമെന്ന ആശങ്ക ശക്തമാക്കിയിരിക്കുകയാണ്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്