സംവിധായകൻ ജസ്റ്റിൻ ബാൽഡോണിക്കെതിരെ അപകീർത്തിപെടുത്തൽ ആരോപണവുമായി നടി ഇസബെല്ല. ബ്ലെയ്ക്ക് ലൈവ്‌ലിയുടെ നിയമപോരാട്ടത്തിനിടയിലാണ് ആരോപണങ്ങൾ ഉയർന്നുവന്നത്.

സിനിമയിൽ ബ്ലെയ്ക്ക് ലൈവ്‌ലിയുടെ കഥാപാത്രമായ ലില്ലിയുടെ ചെറിയ പ്രായം അവതരിപ്പിച്ച ഇസബെല്ല ഫെറർ, ബാൽഡോണിയും അദ്ദേഹത്തിന്റെ നിർമ്മാണ കമ്പനിയായ വേഫെറർ സ്റ്റുഡിയോസും കോടതിയിൽ തന്നോട് അന്യായമായി പെരുമാറിയെന്ന് ആരോപിച്ചു.

ഈ വർഷം ആദ്യം ലൈവ്‌ലിയുടെ ഭാഗത്ത് നിന്ന് സമൻസ് ലഭിച്ചതിനെത്തുടർന്ന്, കരാറിൽ പറഞ്ഞിരിക്കുന്നതുപോലെ, തന്റെ നിയമപരമായ ചെലവുകൾക്കുള്ള പണം തിരികെ ആവശ്യപ്പെട്ടതായി അവരുടെ നിയമസംഘം പറഞ്ഞു. 

ബ്ലെയ്ക്കിന്റെ സമൻസ് ലഭിച്ചപ്പോൾ താൻ എങ്ങനെ പ്രതികരിച്ചു എന്നതിന്റെ പൂർണ്ണ നിയന്ത്രണം കമ്പനിക്ക് നൽകിയില്ലെങ്കിൽ വേഫെറർ ചെലവുകൾ വഹിക്കാൻ വിസമ്മതിച്ചുവെന്ന് ഫെററുടെ അഭിഭാഷകർ അവകാശപ്പെട്ടു. "കൃത്രിമത്വം, ഭീഷണി, മറ്റ് അനുചിതമായ പെരുമാറ്റം എന്നിവയിലൂടെ ബാൽഡോണി തന്നെ നിയന്ത്രിക്കാൻ ശ്രമിച്ചുവെന്ന് അവരുടെ അഭിഭാഷകർ ആരോപിച്ചു.

എന്നാൽ ആഗസ്റ്റ് 18 തിങ്കളാഴ്ച സമർപ്പിച്ച പുതിയ കോടതി ഫയലിംഗുകളിലെ ആരോപണങ്ങൾ ബാൽഡോണിയുടെ അഭിഭാഷകർ ശക്തമായി നിഷേധിച്ചു. ബാൽഡോണിക്കും അദ്ദേഹത്തിന്റെ അഭിഭാഷകനും നേരെയുള്ള അനുചിതമായ ആക്രമണമാണ് ഇതെന്ന്  അദ്ദേഹത്തിന്റെ നിയമസംഘം വാദിച്ചു.

ബാൽഡോണിയുടെ ഭാഗത്ത് നിന്ന് ഫെററിന് ലഭിച്ച സമൻസ്, മുമ്പ് നൽകാത്തതോ അല്ലെങ്കിൽ ഫെബ്രുവരിയിലെ സമൻസിന്റെ പരിധിക്ക് പുറത്തുള്ളതോ ആയ രേഖകൾ ലൈവ്‌ലിയുടെ ടീമിൽ നിന്ന് അഭ്യർത്ഥിക്കുന്നതിനുള്ള നിയമാനുസൃതമായ നടപടിയാണെന്ന് അവർ വിശദീകരിച്ചു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്