'ആ നഗ്ന വീഡിയോ എഐ നിർമ്മിതം': വ്യാജ പ്രചാരണത്തിൽ അർജുൻ റെഡ്ഡി നടി ശാലിനി പാണ്ഡെ

SEPTEMBER 1, 2026, 6:18 AM

തന്റെ പേരിൽ സോഷ്യൽ മീഡിയയിൽ പ്രചരിക്കുന്ന വ്യാജ എ.ഐ നിർമ്മിത വീഡിയോയ്‌ക്കെതിരെ നടി ശാലിനി പാണ്ഡെ രംഗത്ത്. ഓൺലൈനിൽ പ്രചരിക്കുന്ന വീഡിയോ പൂർണ്ണമായും നിർമ്മിതവും വ്യാജവുമാണെന്നും അതിൽ കാണുന്നത് താനല്ലെന്നും താരം ഇൻസ്റ്റാഗ്രാം കുറിപ്പിലൂടെ വ്യക്തമാക്കി. സാങ്കേതികവിദ്യ ദുരുപയോഗം ചെയ്ത് സ്ത്രീകൾക്കെതിരെ ഇത്തരം വ്യാജ ഉള്ളടക്കങ്ങൾ നിർമ്മിക്കുന്നതിനെ ശാലിനി രൂക്ഷമായി വിമർശിച്ചു.

"എന്റെ പേരിൽ പ്രചരിക്കുന്ന എ.ഐ നിർമ്മിത വീഡിയോ പൂർണ്ണമായും വ്യാജമാണ്. വ്യക്തികളെ, പ്രത്യേകിച്ച് സ്ത്രീകളെ ലക്ഷ്യമിടാനും ഉപദ്രവിക്കാനും സാങ്കേതികവിദ്യ ഇതുപോലെ ദുരുപയോഗം ചെയ്യുന്നത് തികച്ചും അസ്വസ്ഥതയുണ്ടാക്കുന്ന ഒന്നാണ്. ഇത്തരം ചൂഷണങ്ങളെ ഞാൻ ശക്തമായി അപലപിക്കുന്നു. ഈ വീഡിയോ നിങ്ങളുടെ ശ്രദ്ധയിൽപ്പെട്ടാൽ അത് ഷെയർ ചെയ്യാനോ ഡൗൺലോഡ് ചെയ്യാനോ ശ്രമിക്കരുത്; പകരം ഉടൻ തന്നെ റിപ്പോർട്ട് ചെയ്യുക," ശാലിനി പാണ്ഡെ അഭ്യർത്ഥിച്ചു.

താരത്തിന് പിന്തുണയുമായി നിരവധി ആരാധകരാണ് സോഷ്യൽ മീഡിയയിൽ രംഗത്തെത്തിയിരിക്കുന്നത്. എ.ഐ ദുരുപയോഗത്തിനെതിരെ ശക്തമായ നിയമനടപടികൾ സ്വീകരിക്കണമെന്ന് ആരാധകർ ആവശ്യപ്പെട്ടു.

'അർജുൻ റെഡ്ഡി'ക്ക് പുറമെ 'മഹാനടി', 'ജയേഷ്ഭായ് ജോർദാർ', 'മഹാരാജ്' തുടങ്ങിയ ചിത്രങ്ങളിൽ ശ്രദ്ധേയമായ വേഷങ്ങൾ ചെയ്ത ശാലിനി പാണ്ഡെ, 'രാഹു കേതു' എന്ന ചിത്രത്തിലാണ് അവസാനമായി അഭിനയിച്ചത്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്