പ്രശസ്ത ആത്മീയ ഗുരു ജഗ്ഗി വാസുദേവും (സദ്ഗുരു) ബോളിവുഡ് താരം ആലിയ ഭട്ടും ചെന്നൈയിൽ നടത്തിയ കൂടിക്കാഴ്ച സോഷ്യൽ മീഡിയയിൽ ശ്രദ്ധേയമാകുന്നു. ജെയിൻ ഇന്റർനാഷണൽ ട്രേഡ് ഓർഗനൈസേഷൻ സംഘടിപ്പിച്ച ചടങ്ങിലായിരുന്നു ഇരുവരും ദാർശനികവും വ്യക്തിപരവുമായ കാര്യങ്ങൾ പങ്കുവെച്ചത്. മാതൃത്വത്തെക്കുറിച്ചും മകൾ രാഹാ കപൂറിനെ വളർത്തുന്നതിനെക്കുറിച്ചുമുള്ള തന്റെ ആശങ്കകളാണ് ആലിയ സദ്ഗുരുവിനോട് പ്രധാനമായും പങ്കുവെച്ചത്.
താൻ ഒരു നല്ല അമ്മയാണോ എന്ന് ആകുലപ്പെടുന്ന മാതാപിതാക്കൾക്ക് നൽകാനുള്ള ഏക ഉപദേശം എന്താണെന്ന ആലിയയുടെ ചോദ്യത്തിന്, "ആകുലപ്പെടുന്ന മാതാപിതാക്കൾ ഒരിക്കലും നല്ല മാതാപിതാക്കളല്ല" എന്നായിരുന്നു സദ്ഗുരുവിന്റെ മറുപടി.
സദ്ഗുരുവിന്റെ ഈ തമാശ കലർന്ന മറുപടി കേട്ട് സദസ്സ് ചിരിച്ചെങ്കിലും, "മാതാപിതാക്കളുടെ ഉള്ളിൽ നിന്ന് ആകുലത പൂർണ്ണമായും എടുത്തുമാറ്റാൻ കഴിയുമെന്ന് എനിക്ക് തോന്നുന്നില്ല" എന്ന് ആലിയ മറുപടിയായി പറഞ്ഞു. കുട്ടികളെ വളർത്തുന്നതിൽ അമിതമായ ഉത്കണ്ഠ ആവശ്യമില്ലെന്ന് സദ്ഗുരു താരത്തെ ഓർമ്മിപ്പിച്ചു.
കൂടിക്കാഴ്ചയുടെ ചിത്രങ്ങളും വീഡിയോകളും സദ്ഗുരു തന്റെ ഇൻസ്റ്റാഗ്രാം പേജിലൂടെ പങ്കുവെച്ചിട്ടുണ്ട്. പരിപാടിക്ക് മുൻപുള്ള പ്രാർത്ഥനയും ചടങ്ങിന് ശേഷം ആലിയ സദ്ഗുരുവിനോട് ഹൃദ്യമായി സംസാരിക്കുന്നതുമെല്ലാം വീഡിയോയിൽ കാണാം. ജീവിതത്തെയും മാതൃത്വത്തെയും കുറിച്ചുള്ള ആലിയയുടെ തുറന്നുപറച്ചിലുകളെ ആരാധകർ ഇരുകൈയും നീട്ടിയാണ് സ്വീകരിച്ചിരിക്കുന്നത്.
2022 ഏപ്രിലിൽ വിവാഹിതരായ ആലിയയ്ക്കും രൺബീറിനും അതേവർഷം നവംബറിലാണ് റാഹ ജനിച്ചത്. സിനിമയിലും ജീവിതത്തിലും സജീവമായ ആലിയ, വരാനിരിക്കുന്ന വലിയ പ്രൊജക്റ്റുകളുടെ തിരക്കിലുമാണ്. വൈ.ആർ.എഫിന്റെ (YRF) സ്പൈ യൂണിവേഴ്സ് ചിത്രമായ 'ആൽഫ'യിൽ ഷർവാരി വാഗ്, ബോബി ഡിയോൾ എന്നിവർക്കൊപ്പം ആലിയ പ്രധാന വേഷത്തിലെത്തുന്നുണ്ട്.
കൂടാതെ, സഞ്ജയ് ലീല ബൻസാലി സംവിധാനം ചെയ്യുന്ന ബിഗ് ബജറ്റ് ചിത്രം 'ലവ് ആൻഡ് വാർ' (Love & War) ആണ് ആലിയയുടെ മറ്റൊരു പ്രധാന പ്രൊജക്റ്റ്. ഈ ചിത്രത്തിൽ ഭർത്താവ് രൺബീർ കപൂറിനും വിക്കി കൗശലിനുമൊപ്പമാണ് താരം അഭിനയിക്കുന്നത്. സുരക്ഷാ കാരണങ്ങളാൽ റാഹയെ ക്യാമറക്കണ്ണുകളിൽ നിന്ന് മാറ്റിനിർത്താനുള്ള താരദമ്പതികളുടെ തീരുമാനത്തിന് ആരാധകരിൽ നിന്നും പിന്തുണ ലഭിക്കുന്നുണ്ട്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20260328084928.jpg)
-20260320092005.webp)
-20260328080255.jpg)
1-20260328054422.jpg)
-20260327075256.jpg)
1-20251201083934.jpg)
1-20260327044141.jpg)
-20260325114806.jfif)
-20260325094905.jfif)
