'അമ്മ' നേതൃത്വത്തിലേക്ക് ഇനി ഇല്ല; സംഘടനയിലെ പ്രശ്നങ്ങൾ ഭാരവാഹികൾ പരിഹരിക്കട്ടെയെന്ന് മോഹൻലാൽ

AUGUST 3, 2026, 10:37 PM

തിരുവനന്തപുരം: താരസംഘടനയായ 'അമ്മ'യുടെ നേതൃത്വത്തിലേക്ക് ഇനി തിരിച്ചുവരില്ലെന്ന് നടൻ മോഹൻലാൽ. സംഘടനയുടെ പ്രവർത്തനങ്ങളിൽ ഇനി ഇടപെടില്ലെന്നും നിലവിലെ പ്രശ്നങ്ങൾ ഭാരവാഹികൾ തന്നെ പരിഹരിക്കട്ടെയെന്നും അദ്ദേഹം പറഞ്ഞു.

സംഭാഷണങ്ങൾക്കിടയിലെ നിശബ്ദതയാണ് ഒരു നടന് അഭിനയിക്കാനുള്ള ഏറ്റവും വലിയ നിമിഷങ്ങളെന്ന് മോഹൻലാൽ പറഞ്ഞു. അഭിനയമെന്നത് ഒരിക്കൽ പഠിച്ചാൽ മതിയാകുന്ന ഒന്നല്ലെന്നും, തുടർച്ചയായി ചെയ്ത് ശീലിക്കേണ്ട കലാരൂപമാണെന്നും അദ്ദേഹം കൂട്ടിച്ചേർത്തു.

ആദ്യ സിനിമ റിലീസിനൊരുങ്ങുന്ന മകൾ വിസ്മയയ്ക്ക് നൽകിയ ഉപദേശത്തെക്കുറിച്ചും മോഹൻലാൽ അഭിമുഖത്തിൽ സംസാരിച്ചു. "അഭിനയം ചെയ്ത് ചെയ്ത് ശീലിക്കേണ്ട ഒന്നാണ്" എന്നായിരുന്നു മകൾക്കുള്ള തന്റെ പ്രധാന ഉപദേശമെന്ന് അദ്ദേഹം പറഞ്ഞു.

ഇപ്പോൾ തന്റെ ചിന്തകളിൽ കൂടുതലും അമ്മയെക്കുറിച്ചാണെന്നും മോഹൻലാൽ പറഞ്ഞു. അതോടൊപ്പം, താരസംഘടനയായ 'അമ്മ'യുടെ നേതൃത്വത്തിലേക്ക് ഇനി തിരിച്ചുവരില്ലെന്ന നിലപാടും അദ്ദേഹം വീണ്ടും ആവർത്തിച്ചു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്