'എന്തു കൊണ്ട് കുട്ടിക്ക് മുസ്ലീം പേര് നല്‍കി'; ദീപിക പദുക്കോണിനും രൺവീർ സിങ്ങിനും നേരെ സൈബര്‍ ആക്രമണം

NOVEMBER 5, 2024, 5:27 PM

ബോളിവുഡ് ദമ്പതിമാരായ രണ്‍വീർ സിംഗിനും ദീപിക പദുക്കോണിനും കുഞ്ഞ് പിറന്നത് ഈ അടുത്തിടെ ആണ്. ഇരുവരും കഴിഞ്ഞ ദിവസമാണ് തങ്ങളുടെ ആദ്യത്തെ കണ്‍മണിയുടെ പേര് വെളിപ്പെടുത്തിയത്. ദുവ പദുകോണ്‍ സിംഗ് എന്നാണ് കുഞ്ഞിന്റെ പേര്.

'ദുവ പദുകോണ്‍ സിംഗ് - ദുവ എന്നാല്‍ പ്രാർത്ഥന എന്നാണർത്ഥം. കാരണം ഞങ്ങളുടെ പ്രാർത്ഥനകള്‍ക്കുള്ള ഉത്തരമാണ് അവള്‍. ഞങ്ങളുടെ ഹൃദയം സ്നേഹം കൊണ്ടും നന്ദികൊണ്ടും നിറഞ്ഞിരിക്കുന്നു' എന്ന അടിക്കുറിപ്പോടെ ഇൻസ്റ്റഗ്രാമിലാണ് കുഞ്ഞിന്റെ പേര് ദമ്പതികൾ ആരാധകർക്കായി പങ്കുവച്ചത്.

എന്നാൽ കുട്ടിയുടെ പേര് പുറത്തുവിട്ടതിന് പിന്നാലെ താരദമ്പതികള്‍ക്കെതിരെ കടുത്ത സൈബർ ആക്രമണം ആണ് നടക്കുന്നത്. എന്തിനാണ് കുട്ടിക്ക് ദുവ എന്ന മുസ്ലീം പേര് നല്‍കിയതെന്നാണ് സോഷ്യല്‍ മീഡിയയിലൂടെ ചിലർ ചോദിക്കുന്നത്. മുസ്ലിം പേര് നല്‍കിയതിലൂടെ മതവികാരം വ്രണപ്പെടുത്തുകയാണ് ദമ്പതികള്‍ ചെയ്തതെന്നും വിമർശകർ ആരോപിക്കുന്നു.