ബിജെപി ചരട് വലി തുടങ്ങി; ഗുരുദാസ്പൂരിൽ യുവരാജ് സിംഗിനെ ഇറക്കാൻ നീക്കം |

FEBRUARY 21, 2024, 3:22 PM

ചണ്ഡീഗഡ്: 2024 ലോക്സഭാ തെരഞ്ഞെടുപ്പില്‍ മുന്‍ ഇന്ത്യന്‍ ക്രിക്കറ്റ് താരം യുവരാജ് സിംഗ് ബിജെപി സ്ഥാനാര്‍ത്ഥിയായി മത്സരിച്ചേക്കും.

ഗുരുദാസ്പൂര്‍ മണ്ഡലത്തില്‍ നിന്നാവും യുവരാജ് ബിജെപി ടിക്കറ്റില്‍ ലോക്സഭിലേക്ക് മത്സരിക്കുകയെന്ന് ടൈംസ് ഓഫ് ഇന്ത്യ റിപ്പോര്‍ട്ട് ചെയ്തു.

അടുത്തിടെ കേന്ദ്ര മന്ത്രി നിതിന്‍ ഗഡ്കരിയുമായി യുവരാജ് സിംഗ് കൂടിക്കാഴ്ച നടത്തിയത് ഇതിന്‍റെ മുന്നോടിയായെന്നാണ് സൂചന.

നടൻ സണ്ണി ഡിയോൾ നിലവിൽ ഗുരുദാസ്പൂരിൽ നിന്നുള്ള ബിജെപി എംപിയാണ്. ബോളിവുഡ് നടൻ വിനോദ് ഖന്നയും മുമ്പ് ഗുരുജാസ്പൂരിനെ പ്രതിനിധീകരിച്ച് പാർലമെൻ്റിൽ എത്തിയിട്ടുണ്ട്.

അതേസമയം, ബിജെപി വിട്ട് കോൺഗ്രസിലെത്തിയ മുൻ ഇന്ത്യൻ താരം നവജ്യോത് സിദ്ദുവും ബിജെപിയിൽ തിരിച്ചെത്തിയേക്കുമെന്ന് ടൈംസ് ഓഫ് ഇന്ത്യ റിപ്പോർട്ട് ചെയ്യുന്നു. സിദ്ദു അമൃത്സറിൽ മത്സരിക്കുമെന്നാണ് സൂചന.