യന്ത്രത്തകരാർ: വോട്ട് ചെയ്യാതെ സരിൻ മടങ്ങി

NOVEMBER 20, 2024, 9:10 AM

പാലക്കാട്: പാലക്കാട് 88ാം നമ്പർ ബൂത്തിൽ വിവി പാറ്റിൽ സാങ്കേതിക പ്രശ്നത്തെ തുടർന്ന് പോളിംഗ് ഒരു മണിക്കൂർ വൈകി.

വിവി പാറ്റ് ഡിസ്പ്ലേയിലെ സാങ്കേതിക പ്രശ്നം പരിഹരിച്ചതിനെ തുടർന്ന് വോട്ടെടുപ്പ് ആരംഭിച്ചു. തെരഞ്ഞെടുപ്പ് കമ്മീഷൻ ഉദ്യോഗസ്ഥരെത്തി പരിശോധിച്ചിരുന്നു.

എൽഡിഎഫ് സ്ഥാനാർത്ഥി പി സരിനും ഭാര്യ സൌമ്യ സരിനും വോട്ട് ചെയ്യാനെത്തിയ ബൂത്തിലാണ് സാങ്കേതിക പ്രശ്നമുണ്ടായത്. സരിൻ വോട്ട് ചെയ്യാതെ മടങ്ങിപ്പോകുകയാണുണ്ടായത്.

ബിജെപി സ്ഥാനാർത്ഥി സി കൃഷ്ണകുമാർ കൽപാത്തി ബൂത്തിലെത്തി വോട്ട് രേഖപ്പെടുത്തി. എൻഡിഎയ്ക്ക് അനുകൂലമായ വിധിയെഴുത്ത് ഉണ്ടാകുമെന്ന് കൃഷ്ണകുമാർ പ്രതികരിച്ചു.

പാലക്കാട്ടെ ജനങ്ങളുടെ മനസ് തനിക്കൊപ്പമെന്ന് എൽഡിഎഫ് സ്ഥാനാർത്ഥി പി സരിൻ പറഞ്ഞു. മികച്ച ഭൂരിപക്ഷം നേടുമെന്ന് യുഡിഎഫ് സ്ഥാനാർത്ഥി രാഹുൽ മാങ്കൂട്ടത്തിലും പ്രതികരിച്ചു.