തമിഴ് സൂപ്പർ സ്റ്റാർ തല അജിത്ത് പ്രധാന വേഷത്തിൽ എത്തുന്ന ചിത്രമാണ് 'ഗുഡ് ബാഡ് അഗ്ലി'. ആദിക് രവിചന്ദ്രൻ സംവിധാനം ചെയ്യുന്ന ചിത്രത്തിനായി ആകാംക്ഷയോടെ കാത്തിരിക്കുകയാണ് അജിത്ത് ആരാധകർ.

ചിത്രത്തെ കുറിച്ചുള്ള എല്ലാ അപ്‌ഡേറ്റുകൾക്കും പ്രേക്ഷകരിൽ നിന്ന് മികച്ച പ്രതികരണമാണ് ലഭിക്കുന്നത്. ചിത്രത്തിൻ്റെ ഫസ്റ്റ് ലുക്കും സെക്കൻഡ് ലുക്കും ഉൾപ്പെടെയുള്ള എല്ലാ അപ്‌ഡേറ്റുകളും ഹൈപ്പിന് ആക്കം കൂട്ടുന്നതായിരുന്നു.

ഇപ്പോഴിതാ ചിത്രത്തിൻ്റെ ഏറ്റവും പുതിയ അപ്‌ഡേറ്റ് അണിയറപ്രവർത്തകർ പങ്കുവെച്ചിരിക്കുകയാണ്. അജിത്തിൻ്റെ പോസ്റ്റർ പങ്കുവെച്ച് നിർമ്മാതാക്കളായ മൈത്രി മൂവീസ് ചിത്രത്തിൻ്റെ റിലീസ് പ്രഖ്യാപിച്ചു. അടുത്ത വർഷം പൊങ്കൽ റിലീസായി 'ഗുഡ് ബാഡ് അഗ്ലി' തിയേറ്ററുകളിലെത്തും.

മാർക്ക് ആൻ്റണിയുടെ വിജയത്തിന് ശേഷം ആദിക് രവിചന്ദ്രൻ ഒരുക്കുന്ന ചിത്രമാണിത്. അഭിനന്ദൻ രാമാനുജം ഛായാഗ്രഹണം നിർവ്വഹിക്കുന്ന ചിത്രത്തിന് ദേവിശ്രീ പ്രസാദ് സംഗീതം പകരുന്നു. സുനിൽ, പ്രസന്ന, തൃഷ എന്നിവരാണ് ചിത്രത്തിലെ മറ്റ് അഭിനേതാക്കൾ. 

'വിടാമുയര്‍ച്ചി'യെന്ന മറ്റൊരു ചിത്രം കൂടി അജിത്ത് കുമാറിന്‍റേതായി പുറത്തെത്താനുണ്ട്. മങ്കാത്ത എന്ന ബ്ലോക്ക്ബസ്റ്റർ ചിത്രത്തിന് ശേഷം, അജിത്- അർജുൻ- തൃഷ കൂട്ടുകെട്ട് വീണ്ടും വെള്ളിത്തിരയില്‍ ഒന്നിക്കുന്നു എന്നതാണ് വിടാമുയർച്ചിയുടെ ഏറ്റവും വലിയ ഹൈലൈറ്റ്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്