ലക്‌നൗ: ഉത്തര്‍പ്രദേശിലെ ഗൊരാഖ്പൂരില്‍ സമാജ്‌വാദി പാര്‍ട്ടി സംഘടിപ്പിച്ച ജനാധിപത്യ സംരക്ഷണ വാര പ്രചാരണ വാര്‍ത്താസമ്മേളനം നേതാക്കളുടെ ചേരിതിരിവിനും രൂക്ഷമായ സംഘര്‍ഷത്തിനും വേദിയായി. വേദിയിലെ ഇരിപ്പിടത്തെച്ചൊല്ലിയുള്ള തര്‍ക്കമാണ് മുന്‍ ജില്ലാ അധ്യക്ഷന് നഗീന സാഹ്നിയും പാര്‍ട്ടി നേതാവ് അന്‍ഷുമാന്‍ സിംഗും തമ്മിലുള്ള വാഗ്‌വാദത്തിലും തുടര്‍ന്ന് മര്‍ദ്ദനത്തിലും കലാശിച്ചത്.
വാര്‍ത്താ സമ്മേളനത്തിനിടെ അല്‍പം മാറിയിരിക്കാന്‍ ആവശ്യപ്പെട്ടതിനെത്തുടര്‍ന്ന് അന്‍ഷുമാന്റെ മകന്‍ തന്നെ മര്‍ദ്ദിച്ചുവെന്നും അനുയായികള്‍ മാരകായുധങ്ങളുമായെത്തി ഭീഷണിപ്പെടുത്തിയെന്നും നഗീന സാഹ്നി ആരോപിച്ചു. എന്നാല്‍ തങ്ങളെ അസഭ്യം പറയുകയും തന്റെ രാഷ്ട്രീയ പ്രതിച്ഛായ തകര്‍ക്കാന്‍ ഗൂഢാലോചന നടത്തുകയുമാണ് നഗീന സാഹ്നി ചെയ്തതെന്ന് അന്‍ഷുമാന്‍ സിംഗ് തിരിച്ചടിച്ചു. സംഭവത്തെ അച്ചടക്കലംഘനമായി കാണുന്നുവെന്നും കാര്യങ്ങള്‍ പാര്‍ട്ടി അധ്യക്ഷന് അഖിലേഷ് യാദവിന്റെ ശ്രദ്ധയില്‍പ്പെടുത്തുമെന്നും എസ്.പി ജില്ലാ പ്രസിഡന്റ് ബ്രജേഷ് ഗൗതം വ്യക്തമാക്കി.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20201113034035.jpg)
