മഹാരാഷ്ട്രയിൽ ദേവേന്ദ്ര ഫഡ്‌നാവിസ് മുഖ്യമന്ത്രിയാകും; ഉപമുഖ്യമന്ത്രിമാരായി ഏകനാഥ് ഷിൻഡെയും അജിത് പവാറും

NOVEMBER 25, 2024, 8:14 PM

ബി.ജെ.പി നേതാവ് ദേവേന്ദ്ര ഫഡ്‌നാവിസ് മഹാരാഷ്ട്ര മുഖ്യമന്ത്രിയായി ചുമതലയേൽക്കും, എൻസിപി നേതാവ് അജിത് പവാറിനൊപ്പം ഏകനാഥ് ഷിൻഡെയും ഉപമുഖ്യമന്ത്രി സ്ഥാനം ഏറ്റെടുക്കുമെന്ന് ഇന്ത്യൻ എക്‌സ്പ്രസ് റിപ്പോർട്ട് ചെയ്തു.

ബിജെപിയുടെ ഉന്നത നേതൃത്വം തിങ്കളാഴ്ച ഫഡ്‌നാവിസിൻ്റെ നാമനിർദ്ദേശം അംഗീകരിച്ചു, ഈ നിർദ്ദേശം സഖ്യ പങ്കാളികളായ ഷിൻഡെയുടെ നേതൃത്വത്തിലുള്ള ശിവസേനയും പവാറിൻ്റെ നേതൃത്വത്തിലുള്ള നാഷണലിസ്റ്റ് കോൺഗ്രസ് പാർട്ടിയും (എൻസിപി) അംഗീകരിച്ചതായി ബിജെപിയിലെ രണ്ട് മുതിർന്ന വൃത്തങ്ങൾ സ്ഥിരീകരിച്ചതായാണ് റിപ്പോർട്ട്.

288ൽ 230 സീറ്റുമായി മഹായുതിയേ കൂറ്റൻ വിജയത്തിലേക്ക് നയിച്ചത് ഫഡ്നാവിസാണ്. 132 സീറ്റുമായി ബിജെപി വലിയ ഒറ്റകക്ഷിയുമായി. ഫഡ്നാവിസിന്റെ ആസൂത്രണത്തിലാണ് ബി.ജെ.പി തെരഞ്ഞെടുപ്പിനിറങ്ങിയത്. ഇത്തവണ ആർ.എസ്.എസ് നിശ്ശബ്ദ പ്രചാരണത്തിന് ഇറങ്ങിയതിനു പിന്നിലും അദ്ദേഹത്തിന്റെ ബുദ്ധിയാണ്.