വീണ്ടും ഇരുട്ടടി! അഞ്ച് ദിവസത്തിനിടെ രണ്ടാം തവണയും ഇന്ധനവില കൂട്ടി

MAY 18, 2026, 9:22 PM

തിരുവനന്തപുരം: സാധാരണക്കാർ ദിവസേന ചോദിക്കുന്ന ചോദ്യമുണ്ട്, ഇങ്ങനെ പോയാൽ എങ്ങനെ ജീവിക്കുമെന്ന്?.

വാണിജ്യ സിലിണ്ടറിന്റെ വില കുത്തനെ കൂട്ടിയപ്പോൾ ഹോട്ടൽ വിഭവങ്ങൾക്കുൾപ്പെടെ വില കൂടി. ഈ വിലക്കയറ്റം പല മേഖലകളെയും ബാധിച്ചിട്ടുണ്ട്. ഇതിന് പിന്നാലെ വീണ്ടും ഇരുട്ടടിയായി അഞ്ച് ദിവസത്തിനിടെ രണ്ടാം തവണയും ഇന്ധനവില കൂട്ടി എണ്ണക്കമ്പനികളുടെ പ്രഹരവും.

പെട്രോളിനും ഡീസലിനുമാണ് വില കൂട്ടിയത്. ലീറ്ററിന് 90 പൈസ വീതമാണ് കൂടിയത്. തിരുവനന്തപുരത്ത് പെട്രോൾ വില 111 രൂപ 71 പൈസയായി.