പാണക്കാട് മുഹമ്മദലി ശിഹാബ് തങ്ങൾക്ക് സ്മാരകം നിർമിക്കുമെന്ന് മുഖ്യമന്ത്രി

AUGUST 1, 2026, 8:41 AM

തിരുവനന്തപുരം: പാണക്കാട് മുഹമ്മദലി ശിഹാബ് തങ്ങൾക്ക് സ്മാരകം നിർമിക്കുമെന്ന് മുഖ്യമന്ത്രി വി ഡി സതീശൻ.

ഹമ്മദലി ശിഹാബ് തങ്ങളെ കുറിച്ച് ഭാവി തലമുറയ്ക്ക് പഠിക്കാൻ ഇടം ഉണ്ടാകണമെന്ന് മന്ത്രി കുഞ്ഞാലിക്കുട്ടി പറഞ്ഞിരുന്നു.

പിന്നാലെയാണ് മുഖ്യമന്ത്രിയുടെ പ്രഖ്യാപനം. ശിഹാബ് തങ്ങൾ പഠന ഗവേഷണ കേന്ദ്രം ദേശീയ സെമിനാർ സമാപന സമ്മേളനത്തിലായിരുന്നു മുഖ്യമന്ത്രിയുടെ പ്രതികരണം.

പാണക്കാട് മുഹമ്മദലി ശിഹാബ് തങ്ങളുടെ 17ാം ചരമവാർഷികമായിരുന്നു ശനിയാഴ്ച. പാണക്കാട് തങ്ങളുടെ ഓർമ ദിവസത്തിൽ വൈകാരികമായ ഓർമക്കുറിപ്പാണ് പി കെ കുഞ്ഞാലിക്കുട്ടി പങ്കുവെച്ചത്. അൽ അസ്ഹറിലെ പഠനം കഴിഞ്ഞ് തങ്ങൾ നാട്ടിലെത്തിയത് മുതൽ ഒരുമിച്ചുണ്ടായ ബന്ധമാണ് 17 വർഷങ്ങൾക്ക് മുമ്പ് നിലച്ചുപോയതെന്ന് കുഞ്ഞാലിക്കുട്ടി ഫേസ്ബുക്കിൽ കുറിച്ചു.

പാണക്കാട് തങ്ങൾ ഒരേ സമയം വഴികാട്ടിയും ജ്യേഷ്ഠ സഹോദരനുമായിരുന്നുവെന്നും അദ്ദേഹം കുറിച്ചു.