'ഇനിയും ഒന്നായ് നാം വളരും…'; എൽഡിഎഫിന്റെ പുതിയ ഇലക്ഷൻ പ്രചരണ ഗാനം പുറത്ത്

MARCH 27, 2026, 7:36 AM

തിരുവനന്തപുരം: എൽഡിഎഫിന്റെ പുതിയ തെരഞ്ഞെടുപ്പ് പ്രചാരണ ഗാനം പുറത്ത്. ഗായിക ആര്യദയാൽ പാടിയ ഗാനമാണ് പുറത്തിറങ്ങിയത്. ആര്യയാണ് ഗാനത്തിന്റെ രചനയും നിർവഹിച്ചത്.

നിപ, കോവിഡ്, പ്രളയം പോലുള്ള പ്രതിസന്ധിഘട്ടങ്ങളിൽ ഓരോ മലയാളിക്കൊപ്പവും കരുത്തോടെ കൂടെ നിന്ന ഇടതുപക്ഷത്തിന്റെ സമാനതകളില്ലാത്ത ഇടപെടലുകൾ ഒരിക്കൽക്കൂടി നമ്മുടെ ഓർമകളിലേക്കെത്തുന്നു.

കഴിഞ്ഞ 10 വർഷത്തെ എൽഡിഎഫ് ഭരണ കാലത്തെ നേട്ടങ്ങളും, സമസ്ത മേഖലകളിലും കേരളം കൈവരിച്ച മുന്നേറ്റങ്ങളും ഉയർത്തിക്കാട്ടുന്നതാണ് ഗാനത്തിലെ വരികൾ. ലോകത്തിന് മാതൃകയായ ഇടതുപക്ഷത്തിന്റെ ഭരണ മികവ് തുടരുക തന്നെ ചെയ്യുമെന്നും ഇനിയും ഒന്നായി നാം വളരുമെന്നും ഉറപ്പിച്ചുകൊണ്ടാണ് ഗാനം അവസാനിക്കുന്നത്.