ജീവനക്കാരോട് മോശമായി പെരുമാറിയെന്ന പരാതി; തിരുവിതാംകൂർ ദേവസ്വം ബോർഡ് ഉദ്യോഗസ്ഥയെ സ്ഥലംമാറ്റി

OCTOBER 3, 2026, 9:21 AM

തിരുവനന്തപുരം: ജീവനക്കാരോട് മോശമായി പെരുമാറിയെന്ന പരാതിയിൽ തിരുവിതാംകൂർ ദേവസ്വം ബോർഡ് ഉദ്യോഗസ്ഥയെ സ്ഥലംമാറ്റി.ഉള്ളൂര്‍ ഗ്രൂപ്പ് അസിസ്റ്റന്‍റ് കമ്മിഷണര്‍ ശില്‍പ എസ്. ചന്ദ്രനെയാണ് സ്ഥലംമാറ്റിയത്.

കീഴുദ്യോഗസ്ഥരോടും മറ്റ് ജീവനക്കാരോടും അനാവശ്യമായി ദേഷ്യപ്പെടുകയും മോശമായ രീതിയിൽ സംസാരിക്കുകയും ചെയ്യുന്നതായി ഇവർക്കെതിരെ നിരന്തരം പരാതികൾ ഉയർന്നിരുന്നു.

പിന്നാലെ, ജീവനക്കാരുടെ സംഘടനകൾ ഉദ്യോഗസ്ഥയുടെ പെരുമാറ്റത്തിനെതിരെ ബോർഡ് അധികൃതർക്ക് ഔദ്യോഗികമായി പരാതി നൽകിയിരുന്നു.തുടർന്ന് ദേവസ്വം ബോർഡ് തലത്തിൽ നടത്തിയ പരിശോധനകൾക്ക് ശേഷമാണ് ഉദ്യോഗസ്ഥയെ ചുമതലകളിൽ നിന്ന് നീക്കി സ്ഥലംമാറ്റാൻ തീരുമാനിച്ചത്.ശില്‍പയെ കൊല്ലം ഗ്രൂപ്പിലേക്കാണ് സ്ഥലം മാറ്റിയിരിക്കുന്നത്.