നാദാപുരത്ത് പുളിയാവ് പുഴയിൽ ഒരു കുടുംബത്തിലെ 3 പേർ മുങ്ങിമരിച്ചു

APRIL 11, 2026, 6:56 AM

കോഴിക്കോട്: കോഴിക്കോട് നാദാപുരത്ത് പുഴയിൽ കുടുംബത്തിലെ 3 പേർ മുങ്ങി മരിച്ചു.അരീക്കുണ്ട് സ്വദേശി അൻസാർ, ഭാര്യ സുഹാദ, സഹോദരൻ്റെ മകൾ ഇസ മറിയം എന്നിവരാണ് മരിച്ചത്.

ഇന്ന് വൈകിട്ടോടെ നാദാപുരത്ത് പുളിയാവ് പുഴയിലാണ് അപകടം നടന്നത്.തുണി അലക്കാൻ പോയതായിരുന്നു ഇവർ.ഇതിനിടെ കുട്ടി പുഴയിലേക്കിറങ്ങിയ സമയത്ത് കയത്തിൽപ്പെട്ടുപോകുകയായിരുന്നു.തുടർന്ന്, കുട്ടിയെ രക്ഷിക്കാൻ ശ്രമിക്കവേ അൻസാറും ഭാര്യയും മുങ്ങുകയായിരുന്നു.

സമീപത്തുണ്ടായിരുന്ന നാട്ടുകാരാണ് ആദ്യം രക്ഷാപ്രവര്‍ത്തനം നടത്തിയത്. പിന്നീട് വിദഗ്ധ സംഘമെത്തിയാണ് ഇവരെ പുഴയിൽ നിന്നും പുറത്തെടുത്തത്. സംഭവസ്ഥലത്ത് വെച്ച് തന്നെ മരണം സംഭവിച്ചു എന്നാണ് പ്രാഥമിക വിവരം.ഇവരുടെ മൃതശരീരം നാദാപുരം ആശുപത്രിയിലേക്ക് മാറ്റിയിട്ടുണ്ട്.