ദിയ കൃഷ്ണയുടെ സ്ഥാപനത്തിൽ നടന്ന തട്ടിപ്പ് കേസ്; പ്രതികളുമായി തെളിവെടുപ്പ് നടത്തി ക്രൈം ബ്രാഞ്ച്

AUGUST 5, 2025, 12:56 AM

ദിയ കൃഷ്ണയുടെ സ്ഥാപനത്തിൽ നടന്ന തട്ടിപ്പ് കേസിൽ പ്രതികളുമായി തെളിവെടുപ്പ് നടത്തി ക്രൈം ബ്രാഞ്ച്. ദിയയുടെ സ്ഥാപനമായ ഓ ബൈ ഓസിൽ രണ്ടു പ്രതികളെ എത്തിച്ചാണ് തെളിവെടുപ്പ് നടത്തിയത്. ക്രൈംബ്രാഞ്ച് ഓഫീസിലെത്തി കീഴടങ്ങിയ വിനീതയെയും, രാധാകുമാരിയെയും സ്ഥലത്തെത്തിച്ചാണ് തെളിവെടുപ്പ് നടത്തിയത്.

മൂന്ന് ജീവനക്കാരികള്‍ക്ക് എതിരെയായിരുന്നു ദിയ കൃഷ്ണയുടെ പരാതി. ജീവനക്കാരികള്‍ ക്യു ആർ ക്വാഡ് ഉപയോഗിച്ച് പണം തട്ടിയെടുത്തുവെന്നാണ് കൃഷ്ണകുമാറിന്‍റെ പരാതി. ദിയയുടെ സ്ഥാപനത്തില്‍ നിന്നും 69 ലക്ഷം രൂപ ജീവനക്കാരികള്‍ തട്ടിയെടുത്തെന്നാണ് കേസ്.

ക്രൈംബ്രാഞ്ച് ഓഫീസിലെത്തിആണ് പ്രതികളായ വിനീതയും, രാധാകുമാരിയും കീഴടങ്ങിയത്. എന്നാൽ മറ്റൊരു പ്രതിയായ ദിവ്യയ്‌ക്കെതിരെയുള്ള അന്വേഷണം തുടരുകയാണ് എന്നാണ് ലഭിക്കുന്ന വിവരം.