തണ്ണീർമുക്കം കേസ്: കൊലയ്ക്ക് കാരണം മകളോട് മോശമായി പെരുമാറിയതെന്ന് സംശയം

SEPTEMBER 7, 2026, 12:13 AM

ആലപ്പുഴ: തണ്ണീർമുക്കത്ത് 53 കാരനെ കൊലപ്പെടുത്തിയ കേസിൽ അയൽവാസിയായ പ്രതി ഒളിവിൽ എന്ന് പൊലീസ്.

തണ്ണീർമുക്കം പഞ്ചായത്ത് 14-ാം വാർഡ് വെറുങ്ങിൽച്ചുവട് പടിഞ്ഞാറ് വേലിക്കകത്ത് വീട്ടിൽ സന്തോഷ് (53) ആണ് മരിച്ചത്.

പ്രതിയുടെ പ്രായപൂർത്തിയാകാത്ത മകളോട് കൊല്ലപ്പെട്ടയാൾ മോശമായി പെരുമാറിയിരുന്നു എന്ന് പരാതി ഉണ്ടായിരുന്നു. ഇതാണ് കൊലയ്ക്ക് കാരണമെന്നാണ് സംശയം.

ഞായറാഴ്ച രാവിലെ ഏഴരയോടെയാണ് മൃതദേഹം കണ്ടെത്തിയത്. തലയിലും മുഖത്തും മുറിവേറ്റ പാടുകളുമുണ്ടായിരുന്നു. വായിൽ നിന്നും മൂക്കിൽ നിന്നും രക്തം വന്ന നിലയിലായിരുന്നു മൃതദേഹം കണ്ടെത്തിയത്.

തലയ്‌ക്കേറ്റ അടിയാണ് മരണത്തിനു കാരണമായതെന്നാണ് പ്രാഥമിക പോസ്റ്റുമോർട്ടം റിപ്പോർട്ടിൽ കണ്ടെത്തിയിരുന്നത്. അടിക്കാൻ ഉപയോഗിച്ചതെന്ന് കരുതുന്ന മുളവടി ഒടിഞ്ഞ നിലയിൽ വീട്ടിൽ നിന്നും കണ്ടെത്തിയിരുന്നു.