ലൈംഗിക പീഡന കേസ്: മുൻകൂർ ജാമ്യം തേടി കോൺഗ്രസ് കൗൺസിലർ പ്രശോഭ്

APRIL 1, 2026, 7:36 AM

പാലക്കാട്: ലൈംഗിക പീഡന പരാതിയിൽ കോൺഗ്രസ് കൗൺസിലർ പ്രശോഭ് മുൻകൂർ ജാമ്യം തേടി കോടതിയെ സമീപിച്ചതായി റിപ്പോർട്ട്. മണ്ണാർക്കാട് എസ് സി-എസ് ടി പ്രത്യേക കോടതിയിലാണ് ഹർജി സമർപ്പിച്ചത്.

പാലക്കാട്ടെ അഭിഭാഷകൻ മുഖേന നൽകിയ ജാമ്യാപേക്ഷയിൽ താൻ നിരപരാധിയാണെന്നും കേസ് കള്ളമാണെന്നും ആണ് പ്രശോഭ് വാദിക്കുന്നത്. തെരഞ്ഞെടുപ്പ് ലക്ഷ്യമിട്ട് തനിക്കെതിരെ ഗൂഢാലോചന നടത്തിയതാണെന്നും ഡിജിറ്റൽ തെളിവുകൾ വ്യാജമായി നിർമ്മിച്ചതാണെന്നും ഹർജിയിൽ പറയുന്നു. അന്വേഷണവുമായി സഹകരിക്കാൻ തയ്യാറാണെന്നും അദ്ദേഹം വ്യക്തമാക്കിയിട്ടുണ്ട്.

ജാമ്യാപേക്ഷ ശനിയാഴ്ച മണ്ണാർക്കാട് എസ് സി-എസ് ടി പ്രത്യേക കോടതി പരിഗണിക്കും. ദളിത് യുവതിയുടെ പരാതിയെ തുടർന്ന് പാലക്കാട് ടൗൺ സൗത്ത് പൊലീസ് പ്രശോഭിനെതിരെ കേസ് രജിസ്റ്റർ ചെയ്തിരുന്നു. തുടർന്ന് ഒളിവിൽ പോയ പ്രശോഭിനായി പൊലീസ് അന്വേഷണം തുടരുകയാണ്.