സിഎംആർഎല്ലിന് തിരിച്ചടി; ഹർജി ഹൈക്കോടതി തള്ളി; ഇഡിക്ക് അന്വേഷണവുമായി മുന്നോട്ട് പോകാം

JUNE 5, 2026, 12:10 AM

കൊച്ചി: മാസപ്പടി കേസിൽ എൻഫോഴ്‌സ്‌മെന്റ് ഡയറക്ടറേറ്റിന്റെ (ഇഡി) അന്വേഷണം തുടരുമെന്ന് ഹൈക്കോടതി വ്യക്തമാക്കി. ഇഡി അന്വേഷണം തടയണമെന്നാവശ്യപ്പെട്ട് സിഎംആർഎൽ നൽകിയ ഹർജിയാണ് കോടതി തള്ളിയത്.

സിഎംആർഎൽ മാനേജിങ് ഡയറക്ടർ ശശിധരൻ കർത്തയും കമ്പനിയിലെ അഞ്ച് ഉദ്യോഗസ്ഥരും ചേർന്നാണ് ഹൈക്കോടതിയെ സമീപിച്ചത്. കേന്ദ്ര ഏജൻസിയുടെ അന്വേഷണം തങ്ങളുടെ മൗലിക അവകാശങ്ങളുടെ ലംഘനമാണെന്നും അന്വേഷണം തടയണമെന്നും ഹർജിയിൽ ആവശ്യപ്പെട്ടിരുന്നു.

എന്നാൽ ഹർജി പരിഗണിച്ച കോടതി ഈ വാദങ്ങൾ അംഗീകരിച്ചില്ല. ഇതോടെ മാസപ്പടി കേസിൽ ഇഡി നടത്തുന്ന അന്വേഷണം തുടരുന്നതിനുള്ള നിയമതടസ്സങ്ങൾ നീങ്ങി.