രഞ്ജിത് കേസ്: ‘സത്യം പുറത്ത് വരുന്നത് വരെ കാത്തിരിക്കണം’; പ്രതികരണവുമായി രാഹുല്‍ ഈശ്വര്‍

APRIL 1, 2026, 3:32 AM

തിരുവനന്തപുരം: യുവനടിയുടെ ലൈംഗിക അതിക്രമ പരാതിയിൽ സംവിധായകൻ രഞ്ജിത് റിമാൻഡിലായതിന് പിന്നാലെ പ്രതികരണവുമായി രാഹുൽ ഈശ്വർ. രഞ്ജിത്തിനെതിരെ ഉയർന്ന ആരോപണങ്ങളിൽ പ്രതികരിക്കുന്നതിന് മുമ്പ് സത്യം വ്യക്തമാകുന്നതുവരെ ക്ഷമയോടെ കാത്തിരിക്കണമെന്ന് അദ്ദേഹം പറഞ്ഞു.

രഞ്ജിത് ഒരു ഇതിഹാസ തുല്യനായ കലാകാരനാണെന്നും, അദ്ദേഹത്തിനെതിരെ മുമ്പ് ഉണ്ടായ ചില ആരോപണങ്ങൾ വ്യാജമായിരുന്നുവെന്നും രാഹുൽ ഈശ്വർ അഭിപ്രായപ്പെട്ടു. ഇപ്പോഴത്തെ പരാതി സത്യമാകാമെന്നും കള്ളമാകാമെന്നും, അതിനാൽ ഒരുവിഭാഗത്തെയും മുൻകൂട്ടി അനുകൂലിക്കാനോ എതിർക്കാനോ പാടില്ലെന്നും അദ്ദേഹം വ്യക്തമാക്കി.

സിനിമ മേഖലയിലെ വ്യക്തികൾക്ക് ശത്രുക്കളും തർക്കങ്ങളും സ്വാഭാവികമാണെന്നും, പൊലീസ് പറയുന്ന കാര്യങ്ങളെ അതിരുവിട്ട് വിലയിരുത്തേണ്ടതില്ലെന്നും അദ്ദേഹം പറഞ്ഞു. ഒരാൾ കുറ്റം ചെയ്താൽ മാത്രമേ ശിക്ഷിക്കാവൂ എന്നും, വ്യാജപരാതികളുടെ സാധ്യതയും സമൂഹം പരിഗണിക്കണമെന്നും രാഹുൽ ഈശ്വർ കൂട്ടിച്ചേർത്തു.