'തന്നെ വസ്ത്രാക്ഷേപം നടത്തി തെരുവിലേക്ക് ദയാവധത്തിന് വിട്ടുകൊടുത്തു'; യുഡിഎഫിനെതിരെ തുറന്നടിച്ച് പിവി അൻവര്‍

MAY 27, 2025, 11:49 PM

മലപ്പുറം: യുഡിഎഫിനെതിരെ തുറന്നടിച്ച് പിവി അൻവര്‍ എംഎൽഎ രംഗത്ത്. നിലമ്പൂര്‍ ഉപതെരഞ്ഞെടുപ്പിൽ യുഡിഎഫ് സ്ഥാനാര്‍ത്ഥിയെ പ്രഖ്യാപിച്ചതിന് പിന്നാലെ ആണ് അൻവർ പരസ്യ വിമർശനവുമായി രംഗത്ത് എത്തിയത്.

പേരെടുത്ത് പറയാതെ വി ഡി സതീശനെതിനതെിരെ രൂക്ഷ വിമ‍ർശനവുമായി ആണ് അൻവർ രംഗത്തെത്തിയത്. ഇന്നലെ തന്നെ വസ്ത്രാക്ഷേപം നടത്തി തെരുവിലേക്ക് ദയാവധത്തിന് വിട്ടുകൊടുക്കുകയായിരുന്നുവെന്നും മുഖത്ത് ചെളിവാരി എറിയുകയാണെന്നും പിവി അൻവര്‍ പ്രതികരിച്ചു. വാര്‍ത്താസമ്മേളനത്തിൽ ആണ് അൻവർ രൂക്ഷമായ ഭാഷയിൽ പ്രതികരിച്ചത്.

തൃണമൂല്‍ കോണ്‍ഗ്രസിനെ യുഡിഎഫിലെടുക്കാത്തതിലുള്ള അതൃപ്തിയിലാണ് പ്രധാനമായും പിവി അൻവര്‍ വ്യക്തമാക്കിയത്. കെ സുധാകരനും കെ മുരളീധരനും ചെന്നിത്തലയും കുഞ്ഞാലിക്കുട്ടിയുമടക്കമുള്ള നേതാക്കള്‍ തന്നുമായി ബന്ധപ്പെടുന്നുണ്ടെന്നും അൻവര്‍ വ്യക്തമാക്കി.