മുനമ്പത്ത് നിന്ന് കാണാതായ പൊലീസുകാരനെ പൊള്ളാച്ചിയിൽ കണ്ടെത്തി

JULY 31, 2026, 4:13 AM

കൊച്ചി: എറണാകുളം ജില്ലയിലെ മുനമ്പത്ത് നിന്ന് കാണാതായിരുന്ന പോലീസ് ഉദ്യോഗസ്ഥനെ ഒരാഴ്ചത്തെ അന്വേഷണത്തിനൊടുവിൽ തമിഴ്നാട്ടിലെ പൊള്ളാച്ചിയിൽ നിന്ന് കണ്ടെത്തി. വടക്കേക്കര പോലീസ് സ്റ്റേഷനിലെ സിവിൽ പോലീസ് ഓഫീസർ (സി.പി.ഒ.) അഞ്ജിത്തിനെയാണ് കണ്ടെത്തിയത്.

ശനിയാഴ്ച രാവിലെ വീട്ടിൽ നിന്ന് പുറത്തിറങ്ങിയ അഞ്ജിത്തിനെ തുടർന്ന് കണ്ടെത്താനാകാതെ വന്നതോടെ ഭാര്യ പോലീസിൽ പരാതി നൽകിയിരുന്നു. ഫോണിൽ പലതവണ ബന്ധപ്പെടാൻ ശ്രമിച്ചെങ്കിലും മൊബൈൽ ഫോൺ സ്വിച്ച് ഓഫ് ആയിരുന്നുവെന്ന് പരാതിയിൽ വ്യക്തമാക്കിയിരുന്നു. തുടർന്ന് പോലീസ് വിവിധ സംഘങ്ങളെ നിയോഗിച്ച് അന്വേഷണം വ്യാപിപ്പിക്കുകയായിരുന്നു.

മൊബൈൽ ഫോൺ ലൊക്കേഷൻ, മറ്റ് സാങ്കേതിക വിവരങ്ങൾ എന്നിവയുടെ അടിസ്ഥാനത്തിൽ നടത്തിയ അന്വേഷണമാണ് അഞ്ജിത്തിലേക്ക് പോലീസിനെ എത്തിച്ചത്. ഒടുവിൽ പൊള്ളാച്ചിയിൽ നിന്നാണ് ഇയാളെ കണ്ടെത്തിയത്.

പ്രാഥമിക അന്വേഷണത്തിൽ കുടുംബപരമായ അഭിപ്രായവ്യത്യാസങ്ങളെ തുടർന്നാണ് അഞ്ജിത്ത് വീട്ടിൽ നിന്ന് പോയതെന്നാണ് പോലീസ് വ്യക്തമാക്കുന്നത്. കണ്ടെത്തിയ ശേഷം ഇയാളുടെ ആരോഗ്യനിലയും മറ്റ് സാഹചര്യങ്ങളും പരിശോധിച്ചുവരികയാണ്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്