പ്ലസ് വണ്‍ വിദ്യാര്‍ത്ഥിനിയുടെ പീഡന വീഡിയോ സമൂഹമാധ്യമത്തില്‍; പ്ലസ് ടു വിദ്യാർത്ഥിക്കെതിരെ കേസ്

AUGUST 15, 2025, 11:51 PM

തിരുവനന്തപുരം: പ്ലസ് വണ്‍ വിദ്യാര്‍ത്ഥിനിയുടെ സ്വകാര്യ വീഡിയോ സമൂഹമാധ്യമത്തില്‍ പ്രചരിപ്പിച്ചതായി റിപ്പോർട്ട്. സ്‌കൂളിലെ പ്ലസ് ടു വിദ്യാര്‍ത്ഥിക്കൊപ്പമുള്ള വീഡിയോയാണ് പ്രചരിപ്പിച്ചത് എന്നാണ് ലഭിക്കുന്ന വിവരം.

സര്‍ക്കാര്‍ സ്‌കൂളിലെ പ്ലസ് വണ്‍ വിദ്യാര്‍ത്ഥിനിയുടെ വീഡിയോയാണ് നിലവില്‍ പ്രചരിക്കുന്നത്. പീഡനത്തെ തുടര്‍ന്ന് 16കാരിയുടെ അമ്മ പൊലീസില്‍ പരാതി നല്‍കിയിട്ടുണ്ട്. പരാതിയില് പ്ലസ് ടു വിദ്യാര്‍ത്ഥിക്കെതിരെ ജുവനൈല്‍ പോക്‌സോ കേസ് ചുമത്തി എന്നാണ് ലഭിക്കുന്ന റിപ്പോർട്ട്.

അതേസമയം കേസെടുത്തെങ്കിലും കുട്ടിയെ ഇതുവരെ പിടികൂടിയിട്ടില്ല.പീഡനദൃശ്യം മൊബൈലില്‍ ചിത്രീകരിച്ച് സോഷ്യല്‍ മീഡിയയില്‍ പ്രചരിപ്പിച്ചെന്നാണ് അമ്മയുടെ പരാതി.