കൊച്ചി: പ്രധാനമന്ത്രി നരേന്ദ്രമോദി തനിക്ക് എപ്പോഴും പ്രചോദനമായിരുന്നുവെന്ന് ബിഗ് ബോസ് താരവും സോഷ്യൽ മീഡിയ ഇൻഫ്ലുവൻസറുമായ റോബിൻ രാധാകൃഷ്ണൻ. തന്നെ ട്രോളുന്നവർ സന്തോഷിക്കട്ടെയെന്നും വലിയ പരിപാടികൾ നടക്കുമ്പോൾ ചെറിയ പ്രശ്നങ്ങളെ വലിയ വിവാദമാക്കി കുത്തിത്തിരിപ്പുണ്ടാക്കുന്നതാണ് ചിലരുടെ പ്രവൃത്തിയെന്നും റോബിൻ പറഞ്ഞു.
പാർട്ടി ആവശ്യപ്പെട്ടാൽ വർക്കലയിൽ നിയമസഭാ തിരഞ്ഞെടുപ്പിൽ മത്സരിക്കാൻ താൻ തയ്യാറാണെന്നും അദ്ദേഹം വ്യക്തമാക്കി. കൊച്ചിയിൽ നടന്ന എൻഡിഎ വേദിയിൽ നിന്ന് മാധ്യമങ്ങളോട് സംസാരിക്കുകയായിരുന്നു റോബിൻ.
ഡോ. റോബിൻ രാധാകൃഷ്ണൻ നേരത്തെ ബിജെപിയിൽ അംഗത്വമെടുത്തിരുന്നു. മാരാർജി ഭവനിൽ നടന്ന ചടങ്ങിൽ ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖറിൽ നിന്ന് അദ്ദേഹം അംഗത്വം സ്വീകരിച്ചു. ഇതിന് മുമ്പ് ബിഗ് ബോസ് വിജയിയായ അഖിൽ മാരാർ എൻഡിഎ സഖ്യകക്ഷിയായ ട്വന്റി–20യിൽ ചേർന്നിരുന്നു. നിയമസഭാ തിരഞ്ഞെടുപ്പിൽ റോബിൻ മത്സരിക്കുമെന്ന സൂചനകൾ അന്നുതന്നെ പുറത്തുവന്നിരുന്നു. ഇതിന് പിന്നാലെയാണ് പാർട്ടി ആവശ്യപ്പെട്ടാൽ മത്സരിക്കുമെന്ന പ്രസ്താവനയുമായി റോബിൻ വീണ്ടും രംഗത്തെത്തിയത്.
ബിജെപിയെയും പ്രധാനമന്ത്രി നരേന്ദ്രമോദിയെയും പ്രശംസിച്ചുകൊണ്ടുള്ള റോബിന്റെ വീഡിയോയും മുൻപ് ശ്രദ്ധ നേടിയിരുന്നു. താനൊരു സംഘിയാണെന്ന് അഭിമാനത്തോടെ പറയുന്നുവെന്നും കേരളത്തിൽ ബിജെപി അധികാരത്തിലെത്തുന്ന ദിവസം വരുമെന്നും അദ്ദേഹം പറഞ്ഞിരുന്നു. തിരുവനന്തപുരം സ്വദേശിയായ റോബിൻ ഡോക്ടറായും സോഷ്യൽ മീഡിയ ഇൻഫ്ലുവൻസറായും ശ്രദ്ധേയനാണ്. അദ്ദേഹത്തിന്റെ ഭാര്യ ആരതി പൊടിയും സോഷ്യൽ മീഡിയയിൽ സജീവമാണ്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20260331112753.jpg)
-20251231080509.jpg)
-20260325052737.jfif)
-20260119112532.webp)
1-20260331065238.jpg)
-20260331064832.jpg)
-20201001042258.jpg)
-20260331053126.jpg)
