എല്ലാ പ്രശ്നങ്ങൾക്കും പരിഹാരമുണ്ടാകും, കാത്തിരിക്കണം; ‘അമ്മ’ വിവാദത്തിൽ പ്രതികരണവുമായി മമ്മൂട്ടി

JUNE 24, 2026, 12:49 AM

കൊച്ചി: താരസംഘടനയായ ‘അമ്മ’യിലെ ആഭ്യന്തര തർക്കം രൂക്ഷമായ സാഹചര്യത്തിൽ നടൻ മമ്മൂട്ടി പ്രതികരണവുമായി രംഗത്തെത്തി. എല്ലാ പ്രശ്നങ്ങൾക്കും പരിഹാരമുണ്ടാകുമെന്നും അതുവരെ കാത്തിരിക്കണമെന്നുമായിരുന്നു അദ്ദേഹത്തിന്റെ പ്രതികരണം.

കഴിഞ്ഞ ദിവസമാണ് സംഘടനയിലെ മുഴുവൻ ഭരണസമിതി അംഗങ്ങളും രാജിവച്ചത്. ‘അമ്മ’യുടെ വാർഷിക ജനറൽ ബോഡി യോഗത്തിനിടെ വരവ്-ചെലവ് കണക്കുകളെ ചൊല്ലിയുള്ള തർക്കം കടുത്തതോടെയാണ് ഭരണസമിതി കൂട്ടത്തോടെ രാജിവെക്കാൻ തയ്യാറായത്. യോഗത്തിൽ കണക്കുകളുമായി ബന്ധപ്പെട്ട ചോദ്യങ്ങളും ആരോപണങ്ങളും ഉയർന്നതോടെ അന്തരീക്ഷം വഷളായതായാണ് വിവരം.

ഈ പശ്ചാത്തലത്തിലാണ് ദില്ലിയിൽ മാധ്യമപ്രവർത്തകരോട് സംസാരിക്കവെ മമ്മൂട്ടി പ്രതികരിച്ചത്. സംഘടനയ്ക്കുള്ളിൽ ഉയർന്നിരിക്കുന്ന പ്രതിസന്ധികൾക്ക് പരിഹാരം കാണാനാകുമെന്നും അതിനായി എല്ലാവരും കാത്തിരിക്കണമെന്നുമാണ് അദ്ദേഹം പറഞ്ഞത്.