കൊടും ചൂടിൽ കേരളം; പുനലൂരിൽ ലൈൻമാനിന് സൂര്യാതപമേറ്റു

APRIL 17, 2026, 11:34 PM

കൊല്ലം: പുനലൂരിൽ ജോലിക്കിടെ കെഎസ്ഇബി ലൈൻമാനിന് സൂര്യാതപമേറ്റതായി റിപ്പോർട്ട്. കുണ്ടറ സ്വദേശി പത്മകുമാറിനാണ് ശരീരത്തിലും കൈയിലും പൊള്ളലേറ്റത്. കച്ചേരി റോഡിൽ ആശുപത്രി ജംഗ്ഷന് സമീപം വൈദ്യുതി ലൈൻ പരിശോധിക്കുന്നതിനിടെയായിരുന്നു സംഭവം ഉണ്ടായത്.

സഹപ്രവർത്തകർ ഉടൻ തന്നെ പത്മകുമാറിനെ താലൂക്ക് ആശുപത്രിയിൽ എത്തിച്ച് പ്രാഥമിക ശുശ്രൂഷ നൽകി. നിലവിൽ ആരോഗ്യനില തൃപ്തികരമാണെന്നാണ് വിവരം.

അതേസമയം സംസ്ഥാനത്ത് ഏറ്റവും കൂടുതൽ ചൂട് അനുഭവപ്പെടുന്ന നഗരങ്ങളിലൊന്നാണ് പുനലൂർ. കെഎസ്ഇബി പുനലൂർ സബ് ഡിവിഷന്റെ പരിധിയിൽ മാത്രം 20ലധികം ലൈൻമാന്മാർ ജോലി ചെയ്യുന്നു.