കരുവാറ്റ കേസ്: ആശയം ലഭിച്ചത് 'സ്‌പൈഡർ' എന്ന തമിഴ് ചിത്രത്തിൽ നിന്ന്

AUGUST 19, 2026, 12:12 AM

ആലപ്പുഴ: കരുവാറ്റയിലെ കൊലപാതകത്തിൽ ഞെട്ടിക്കുന്ന വിവരങ്ങൾ പുറത്ത്. കൊലപാതകത്തിനായി പ്രതികൾ തയ്യാറാക്കിയ പ്ലാൻ ബി ആയിരുന്നു നടപ്പാക്കിയത്.

വീടിന്റെ ഒടുപൊളിച്ച ശേഷം ശിവൻകുട്ടിയുടെ തലയിൽ വലിയ കല്ലിട്ട് കൊലപ്പെടുത്താൻ ആണെന്ന് പ്രതിയായ പ്ലസ് വൺ വിദ്യാർത്ഥിയുടെ മൊഴി നൽകിയിുന്നു.

ഈ ആശയം ഉദിച്ചത് 2017 ൽ പുറത്തിറങ്ങിയ 'സ്‌പൈഡർ' എന്ന തമിഴ് ചിത്രത്തിൽ നിന്നാണെന്നാണ് കുട്ടി മൊഴി നൽകിയത്. ഓടിന് താഴെ മച്ചുള്ളതിനാൽ ഈ പദ്ധതി ഉപേക്ഷിക്കുകയായിരുന്നു.

വിഷം കൊടുത്തു കൊല്ലാനും വാഹനം ഇടുപ്പിച്ച് കൊല്ലാനും ആലോചിച്ചിരുന്നതായും 13കാരിയും - ആൺ സുഹൃത്തും തമ്മിലുള്ള വാട്ട്‌സ്ആപ്പ് സന്ദേശത്തിൽ വ്യക്തമായിട്ടുണ്ട്.

പിടിക്കപ്പെടില്ലെന്ന അമിത ആത്മവിശ്വാസത്തിൽ കൊലപാതകം ആസൂത്രണം ചെയ്ത ചാറ്റുകൾ മായ്ക്കാഞ്ഞതാണ് പ്രതികൾക്ക് കുരുക്കായത്.