തിരുവനന്തപുരം: ആറ്റുകാല് മരുതൂര്കടവില് വയോധികയായ അമ്മയെ മകന് മര്ദ്ദിച്ച സംഭവത്തില് എഫ്ഐആര് രജിസ്റ്റര് ചെയ്ത് ഫോര്ട്ട് പൊലീസ്.മകന് മധുവിനെതിരെ കൂടുതല് വകുപ്പുകള് ചുമത്തിയിട്ടുണ്ട്.കുടുംബ വീട്ടില് നിന്ന് ഇയാളെ ഇറക്കുമെന്നും ഫോര്ട്ട് പൊലീസ് അറിയിച്ചിട്ടുണ്ട്.
സരസ്വതി അമ്മയ്ക്ക് മകന്റെ മര്ദ്ദനത്തിൽ ദേഹമാസകലം മുറിവേറ്റെന്ന വാർത്ത ഇന്നലെയാണ് പുറത്തു വന്നത്.ചുണ്ട് ഇടിച്ച് പൊട്ടിച്ചതിനെ തുടര്ന്ന് എട്ടോളം സ്റ്റിച്ചുകളാണ് ഇട്ടിരിക്കുന്നത്. അമ്മയെ മകന് വീട്ടില് നിന്ന് ഇറക്കി വിട്ടെന്നും പരാതിയുണ്ടായിരുന്നു. അമ്മയുടെ പേരിലുള്ള വസ്തു വെച്ച് അഞ്ച് ലക്ഷം രൂപയാണ് മകനായ മധു ലോണ് എടുത്തത്. ഈ ലോണ് വയോധികയായ സരസ്വതി അമ്മ വീട്ടുജോലിക്ക് പോയാണ് അടയ്ക്കുന്നതെന്നും പറഞ്ഞിരുന്നു.
മധുവിന്റെ ഭാര്യ ആതിരയും അമ്മയെ മര്ദ്ദിച്ചതായാണ് പരാതി. ചുണ്ട് ഇടിച്ച് പൊട്ടിച്ചത് മരുമകളാണെന്നാണ് വിവരം. തോളെല്ലിനും പരിക്കേറ്റിട്ടുണ്ട്. ചൊവ്വാഴ്ച വീട്ടിലെത്തി തന്റെ പ്രശ്നങ്ങള് പറയുന്നതിനിടെ മരുമകള് ആക്രമിച്ചു എന്നാണ് അമ്മ പറയുന്നത്.
അതേസമയം, മകന്റെ മർദ്ദനത്തിൽ പരിക്കേറ്റ 73-കാരിയായ സരസ്വതി അമ്മയ്ക്ക് തുടര് ചികിത്സ ഉറപ്പാക്കാന് ബന്ധപ്പെട്ട വകുപ്പുകള്ക്ക് മന്ത്രി ബിന്ദു കൃഷ്ണ നിര്ദ്ദേശം നല്കിയിരുന്നു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20201019105234.jpg)
