വിഡി സതീശന്‍റെ കെ-ഫോണ്‍ ഹ‍ർജി ഹൈക്കോടതി ഫയലില്‍ സ്വീകരിച്ചില്ല

JANUARY 15, 2024, 12:06 PM

എറണാകുളം: പ്രതിപക്ഷ നേതാവ് കെ ഫോണ്‍ കരാറില്‍ അഴിമതി ആരോപിച്ച് സമര്‍പ്പിച്ച ഹർജി ഫയലില്‍ സ്വീകരിക്കാതെ ഹൈക്കോടതി.

കെ ഫോണ്‍ പദ്ധതിയിലെ അഴിമതി ചൂണ്ടിക്കാട്ടി സമര്‍പ്പിച്ച ഹര്‍ജിയില്‍ പൊതുതാല്‍പര്യം എന്തെന്നാണ് ഹൈക്കോടതി ചോദിച്ചത്.

2019ലെ തീരുമാനത്തെ 2024ല്‍ ചോദ്യം ചെയ്യുന്നത് എന്തുകൊണ്ടെന്നും കോടതി ചോദിച്ചു. സിഎജി റിപ്പോര്‍ട്ട് ലഭിച്ചിട്ട് ബാക്കി തെളിവുകള്‍ ഹാജരാക്കാമെന്ന് ഹര്‍ജിക്കാരന്‍ അറിയിച്ചു.

എന്നാല്‍ ‘അത് ലഭിച്ചിട്ട് വന്നാല്‍ പോരെ’യെന്നും കോടതി ചോദിച്ചു. അതേസമയം സിഎജി റിപ്പോര്‍ട്ട് അല്ലെന്നും നിരീക്ഷണങ്ങള്‍ മാത്രമാണെന്നും സര്‍ക്കാര്‍ കോടതിയെ അറിയിച്ചു.

ഹര്‍ജി മൂന്നാഴ്ച കഴിഞ്ഞ് പരിഗണിക്കും. ഹർജിക്കാരന് വേണമെങ്കിൽ ലോകായുക്തയെ സമീപിക്കാമല്ലോയെന്ന് സർക്കാർ സൂചിപ്പിച്ചു.